ÉXODO 34:15 - Biblia Guarani Tumpa Iñee

¹⁵ Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

ÉXODO 34:15 ပူးပေါင်းရင်းမြစ်များ

1 CRÓNICAS 5:25

Ërei oyembopɨapochɨ reta iñemuñagüe reta iTumpa kotɨ jare omboete reta jókuae ɨvɨ pegua tëta reta itumpa-raanga, jókuae Tumpa opa omoë omombo jae reta jenonde güi vae.

ESDRAS 6:9

Jare opaete mbae oata vae, sacerdote reta Jerusalén pe ñogüɨnoi vae oiporu rupi, toñemee chupe reta pemboavaimbae reve, toro taɨrusu vae, vecha kuimbae taɨrusu vae, mɨmba oyeyukagüe opaetei oyeapɨ Tumpa ara pe oï vae peguarä vae, trigo, yukɨ, vino jare olivo iasaite,

ESDRAS 9:12

Añave, agüɨye perayɨ reta pemomenda jae reta taɨ ndive, ani jae reta tayɨ peraɨ reta ndive, agüɨye peyapo mbɨakatu jae reta ndive ani jeta mbae güɨnoi reta vae re; jökorai mbaepuere penoi vaerä jare peyekou vaerä jókuae ɨvɨ ipo reta re, jare peeya vaerä peraɨ reta imbaerä jekuae avei pegua.’

SALMOS 106:28

Jare oyemboya reta tumpa-raanga Baal-peor re, jou reta mɨmba oyeyukagüe, oikovembae pe oñemee vae.

SALMOS 73:27

Echa, oyembosɨrɨ ndegüi vae reta, omanota; nde remokañɨteita opaete oyembosɨrɨ ndegüi vae reta.

ÉXODO 22:19

Kia nunga vae oasa mɨmba ndive vae, tomano.

ÉXODO 22:20

Mɨmba oyuka omee ïru tumpa reta pei yandeYa güi vae, tomano.

ÉXODO 23:32

“Agüɨye peñemoïru jae reta ndive, ani itumpa reta ndive ave,

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ÉXODO 34:10

Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

ÉXODO 34:12

Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

NÚMEROS 15:39

Jökorai, peecha jókuae peremimonde jopea yave, pemaendúa vaerä opaete mborookuai reta yandeYa omee peve peyapo vaerä vae re; jökorai agüɨye vaerä pemae pepɨa jare peresa jemimbota re, jare peñererokomegua pɨpe.

NÚMEROS 25:1

Israel iñemuña reta ñogüɨnoi Sitim pe; jare kuimbae reta omboɨpɨ iyaguasa kuña Moab iñemuña reta ndive,

NÚMEROS 25:2

jókuae kuña reta oparea chupe reta yogüɨraja vaerä itumpa-raanga pe mbota omee retaa pe. Israel iñemuña reta okaru jare omboete jókuae tumpa-raanga reta,

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

1 Corintios 10:27

Metei oporogüɨroviambae vae oparea yave peve pekaru vaerä jae ndive, jare pekɨ̈reɨ peo yave, peu opaete oñono peróvai vae peparandumbae reve, agüɨye vaerä pepɨa pe peyemboeko.

1 Corintios 8:10

Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

1 Corintios 8:7

Ërei oime amogüe kuae regua oikuaambae vae. Echa jae reta omboete yepi tumpa-raanga reta, jare soo jou yave oyemongeta tumpa-raanga reta pe oñemeegüe ko. Jáeramo jou yave, oyemongeta ikavimbae ko oyapo oï. Echa mbaetɨ ipɨ̈rata iporogüɨrovia pe.

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:18

Ayerova eteta ko chugüi reta jókuae ara, ikavimbae jae reta oyapo vae jeko pegua, omboete reta tumpa ambuae reta jeko pegua.

DEUTERONOMIO 32:37

Jare jeita chupe reta: ‘¿Jama pa petumpa reta, jókuae ita guasu jese peyeepɨ vae,

DEUTERONOMIO 32:38

jókuae mɨmba oyeyukagüe pemeese vae ikɨragüe jou vae reta, jare vino mbota pemeese vae jou vae reta? ¡Topüa reta tapemborɨ! ¡Toyogüeru tapeangareko!

DEUTERONOMIO 7:2

YandeYa Tumpa omee pepo pe yave kuae tëta guasu reta, opa ma pemoamɨri yave, opaetei pemboai; agüɨye jae reta ndive peyapo ñemoïru, agüɨye peiparareko reta.

DEUTERONOMIO 7:3

Agüɨye peñemoëtara jae reta ndive; agüɨye perayɨ pemee taɨ pe, agüɨye tayɨ peru peraɨ peguarä.

JOSUÉ 23:12

Echa pesɨrɨ jare peñemoïru kuae tëtaguasu reta, pepɨte pe jembɨregüe reta ndive yave, menda rupi peyea yave jae reta ndive, jare jae reta oyea pe reta ndive yave,

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

JUECES 2:17

Ërei Israel iñemuña reta mbaetɨi oyeapɨsaka jókuae mburuvicha reta re, oguata reta tumpa ambuae reta jaɨkue, jare jókuae omboete reta. Jarembaeño opia reta iñemuñagüe reta oyapose Tumpa iporookuai vae güi.

JUECES 3:6

Jare taɨ reta jare tayɨ reta omenda jókuae tëta pegua reta taɨ jare tayɨ reta ndive, jare omboete reta jae reta itumpa reta.