ÉXODO 34:10 - Biblia Guarani Tumpa Iñee

¹⁰ Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

ÉXODO 34:10 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

SALMOS 106:22

jeta mɨakañɨ oyapo Cam iɨvɨ pe vae, mbae oporombopɨakañɨ yae vae oyapo Ɨguasu Pɨ̈ta vae pe vae.

SALMOS 136:4

Pemboete mɨakañɨ tuichagüe iyapoa, echa iporoparareko jekuae avei vae ko.

SALMOS 145:6

Kuimbae reta imiarita opaete mbaravɨkɨ tuichagüe reyapo vae re. Che amoërakuata ndembaepuere re.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 66:5

Peyu pemae Tumpa jembiapo reta re, mɨakañɨ reta tuichagüe oyapo kuimbae reta peguarä:

SALMOS 68:35

CheRu Tumpa, kɨɨyea ko nde, ndero mbaemboetea pe; nde Israel iTumpa, nde ko remee mɨ̈rata jare tekove katu ndembae vae reta pe. ¡Toyemboete Tumpa!

SALMOS 72:18

Toyemboete cheYa Tumpa, Israel iTumpa, jaeño ko mbaembae tuichagüe iyapoa.

SALMOS 76:12

Jae oekɨ mburuvicha reta jekove, kɨɨyea yae ko jae, mburuvicha guasu reta ɨvɨ pegua pe.

SALMOS 77:14

¡Nde ko jae Tumpa, mɨakañɨ tuichagüe iyapoa! ¡Reechauka ndembaepuere opaete tëtaguasu reta pe!

SALMOS 78:12

Tumpa oyapo mɨakañɨ reta iñemuñagüe reta jóvai, Egipto pe, ɨvɨ Zoán pe.

ÉXODO 34:27

YandeYa jei Moisés pe: “Eikuatía kuae ñee reta, echa kuae ñee reta jei vae rupi, ayapo morogüɨrökuavee päve nde ndive jare Israel iñemuña reta ndive.”

ÉXODO 34:28

Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

ISAÍAS 64:3

Reyapo yepi mbae tuichagüe, ore mbaetɨi royemongeta vae, regüeyɨ yave ɨvɨtɨ reta opa tɨkui nderóvai.

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

MIQUEAS 7:15

Eechauka chupe reta mɨakañɨ; Egipto güi renoe reta ramo yave rami.

DEUTERONOMIO 10:21

Echa ikotɨño ko penoita opaete mbaemboete, jaeño ko peTumpa, oyapo peve opaete kuae mbaembae tuicha yae vae jare mɨakañɨ reta peecha vae.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

DEUTERONOMIO 4:13

Jare jae oikuaauka peve iporogüɨrökuavee päve jae ko payandepo mborookuai reta vae jare peokuai peyapo vaerä; jare oikuatía mókoi ita ipe vae re.

DEUTERONOMIO 9:19

Echa che akɨɨye yandeYa iyarasɨ yae pekotɨ pemboai vaerä vae güi; ërei yandeYa oendu ye cheve.

JOSUÉ 6:20

Jayave opaete vae osapúkai, jare sacerdote reta omoñee mimbɨ reta; jare opaete vae oendu yave mimbɨ ñee, osapúkai reta täta, jare tëta guasu ikësea osururu. Jayave opaete vae oyeupi tëta guasu re, metei ñavo vae oyeupi sɨmbi jenonde kotɨ, jare opïro reta.