ÉXODO 33:4 - Biblia Guarani Tumpa Iñee

⁴ Jare opaete vae reta oendu jókuae ñee jasɨ katu yae vae ikotɨ reta yave, oyemonde reta temimonde mbɨatɨtɨ pegua pe, mbaetɨ oyemonde reta temimonde ikavigüe pe,

ÉXODO 33:4 ပူးပေါင်းရင်းမြစ်များ

2 SAMUEL 19:24

Mefi-boset, Saúl jɨmɨmino ou vi oövaiti mburuvicha guasu. Mbaetɨ yepe oyoe ipɨ, mbaetɨ oñapi jendɨvaa jare mbaetɨ oputuka jemimonde mburuvicha guasu oë güive, ou ye regua mbɨakatu ndive.

1 REYES 21:27

Acab oendu yave opaete kuaekuae reta, omondoro jemimonde jare omonde temimonde mbɨatɨtɨ pegua jare oyekuaku tembíu güi. Oke jókuae temimonde ndive jare ipɨatɨtɨ yae reve oiko.

2 REYES 19:1

Mburuvicha guasu Ezequías oendu kuae yave, omondoro jemimonde ipɨatɨtɨ güi, jare oñeapeva temimonde mbɨatɨtɨ pegua pe, jare oike yandeYa jo pe.

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

JOB 2:12

Kuae reta, mombɨrɨ güive omopüa iñäka omae, ërei mbaetɨ oikuaa reta, jare jäse oyaeo reta; jare metei ñavo vae omondoro jemimonde ipɨatɨtɨ güi, jare mboapɨ reve omoai reta ɨvɨkúi ara kotɨ iñäka iárambo, omboyekuaa ipɨatɨtɨ.

ÉXODO 33:6

Jayave ɨvɨtɨ Horeb güive, Israel iñemuña reta mbaetɨ ma oyemonde reta temimonde ikavigüe pe.

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

EZEQUIEL 24:23

Ngaraa peäka-güɨrai ani pepɨgüɨrai. Ngaraa peäpiro ani peyaeo. Pekañɨteita ikavimbae peyapo jeko pegua, pepɨatɨtɨ yaeta oyoe.

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

LEVÍTICO 10:6

Jayave Moisés jei Aarón pe jare taɨ reta Eleazar jare Itamar pe: —Agüɨye peekɨ peäka-ɨru, agüɨye pemondoro peremimonde mbɨatɨtɨ jeko pegua, agüɨye vaerä pemano, agüɨye vaerä Tumpa iyarasɨ ou opaete perëtara reta re, ërei opaete Israel iñemuña reta tipɨatɨtɨ kuae yandeYa opa oapɨ vae reta re.

JONÁS 3:6

Jare jókuae jërakua mburuvicha guasu Nínive pegua pe, jare opüa jenda güi omboi jemimonde jare oñeapeva temimonde mbɨatɨtɨ pegua pe, jare oguapɨ tanimbu re ipɨatɨtɨ güi.

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

NÚMEROS 14:1

Jayave opaete vae osapúkai jare jäse oyaeo reta opaete jókuae pɨ̈tu.

NÚMEROS 14:39

Moisés jei kuae mbaembae opaete Israel iñemuña reta pe yave, ipɨatɨtɨ yae opaete vae.

1 SAMUEL 6:19

Jayave yandeYa oyuka jókuae kuimbae reta Bet-semes pegua reta, echa omae reta yandeYa ikäjou japɨpe re, omano reta chugüi setenta kuimbae. Jare täta oyaeo reta, echa yandeYa jeta oyukaɨvɨ.