ÉXODO 33:16 - Biblia Guarani Tumpa Iñee

¹⁶ Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

ÉXODO 33:16 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

1 REYES 8:53

Echa nde rembosɨrɨ ndeyeupe kuae tëta ïru tëta reta ɨvɨ pe ñogüɨnoi vae ipɨte güi, jökorai remombeu nderembiokuai Moisés rupi, renoe oreñemuñagüe reta Egipto güi yave, cheYa Tumpa.”

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

ÉXODO 34:10

Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

LEVÍTICO 20:26

Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

NÚMEROS 14:14

imiari retata kuae ɨvɨ pe yogüɨreko vae reta pe, echa kuae reta oendu vi ko, kërai nde reiko kuae tëta ipɨte pe vae, jare oyoova pe reyekuaa chupe reta, nde cheYa; jare ara pe reo jae reta jenonde metei jɨsɨ amapɨtu re jare pɨ̈tu yave metei jɨsɨ tata omoembipe vae re;

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 4:7

Echa ¿kia nunga tëtaguasu pa oime köi yae itumpa-raanga oï chugüi vae, yande yandeYa Tumpa yayerure avei chupe vae köi oï yandegüi rami?