ÉXODO 33:13 - Biblia Guarani Tumpa Iñee

¹³ Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.

ÉXODO 33:13 ပူးပေါင်းရင်းမြစ်များ

2 SAMUEL 15:25

Ërei mburuvicha guasu jei Sadoc pe: —Eraja ye Tumpa ikäjou tëta guasu pe. Jare YandeYa ipɨakatu ko chekotɨ yave, jae ko chereroyerova yeta, aecha vaerä kuae Tumpa ikäjou jare tupao guakapi pegua.

SALMOS 103:7

Jae oikuaauka jemimbota Moisés pe, jare opaete jembiapo reta Israel iñemuña reta pe.

SALMOS 119:33

CheYa Tumpa, chemboe ndeporookuai reta re, ayapota, cherekove iyapɨ regua.

SALMOS 25:4

CheYa Tumpa, eechauka cheve nderemimbota reta; chemboe nderemimbota re;

SALMOS 27:11

CheYa, chemboe nderemimbota re, chereroata teko ikavi vae rupi, cherovaicho reta jeko pegua.

SALMOS 51:13

Jayave amboeta iyoa vae reta nderemimbota re, jare iyoa vae reta oyepoepɨta ndekotɨ.

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

ÉXODO 3:10

Jáeramo añave eyu, romondota Faraón oïa pe, renoe vaerä Egipto güi tëta chembae, Israel iñemuña reta.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 32:12

¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ÉXODO 5:1

Kuae jaɨkue rupi Moisés jare Aarón yogüɨraja jei Faraón pe: —OreYa, Israel iTumpa jei körai: “Emaeño toyogüɨraja chembae vae reta ñuu kotɨ oyapo vaerä cheve arete mbaemboete pegua.”

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

ISAÍAS 63:19

Royu roiko, jókuae tëta nde mbaetɨi reiko juvicharä vae reta rami, jókuae mbaetɨi nderee oñeenɨia pe rami.

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 11:28

Israel iñemuña reta oyovaicho ñee ikavi vae re, pepuere vaerä peporogüɨrovia. Ërei Tumpa oaɨu Israel pegua reta, iñemuñagüe reta oiparavo ramo.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!