ÉXODO 33:11 - Biblia Guarani Tumpa Iñee

¹¹ Oyoova pe etei yandeYa oñomomiari Moisés ndive, oipotagüe imiari ivɨa-ïru ndive rami, jare Moisés ojo ye teyupa pe. Ërei kunumi Josué, Nun taɨ, mbaetɨ oë tupao guakapi pegua japɨpe güi.

ÉXODO 33:11 ပူးပေါင်းရင်းမြစ်များ

GÉNESIS 32:30

Jare Jacob ombojee jókuae oñoïraroa, Peniel; echa jei: “Tumpa jova etei aecha, ërei aikoveño, oasayepe cherekove.”

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

JOB 16:21

¡Mbae mona oime kia oyoaka cheve Tumpa ndive; kuimbae oyoaka japicha ndive rami!

ÉXODO 17:9

Jare Moisés jei Josué pe: —Eiparavo yandeve kuimbae reta, jare ekua eñeraro Amalec iñemuña reta ndive; pɨareve che aïta ɨvɨtɨ guasu iyapɨte re. Tumpa omee cheve popoka vae anoita chepo pe.

ÉXODO 24:13

Moisés opüa ojo jembiokuai Josué ndive. Jare Moisés oyeupi Tumpa iɨvɨtɨ re.

ÉXODO 32:17

Josué oendu yave opaete vae reta isapúkai, jei Moisés pe: —Ñeraro pegua sapúkai oyeendu teyupa pe.

ÉXODO 33:10

Jare opaete vae oecha amapɨtu jɨsɨ vae tupao guakapi pegua jöke pe oï yave, metei ñavo oyetavatɨka iküaraɨa guakapi pegua jöke pe jare ombaemboete reta.

ÉXODO 33:9

Moisés oike yave jókuae tupao guakapi pegua pe, amapɨtu jɨsɨ ogüeyɨ jare ou oñeñono tupao guakapi pegua jöke pe, jare yandeYa imiari Moisés ndive.

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

NÚMEROS 11:28

Jayave Josué, Nun taɨ, Moisés pe taɨrusu güive omborɨ vae jei: —¡Cheya Moisés, eyopia reta!

NÚMEROS 12:7

ërei cherembiokuai Moisés ndive mbaetɨ jökorai, echa jae jupi rupi kavi ko oyapo opaete mbaravɨkɨ chero pe,

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Juan 11:11

Jökorai jei Jesús. Jayave jei ye chupe reta: —Yandevɨa-ïru Lázaro oke ma oï. Ërei che ajata amomba.

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

DEUTERONOMIO 31:14

Javoi yandeYa jei Moisés pe: “Mase, ou ma oväe remano vaerä; jayave eenɨi Josué, jare cheräro tupao guakapi pegua pe, che amee vaerä chupe cheporookuai.” Jare Moisés ojo Josué ndive tupao guakapi pegua pe jare oäro reta joko pe.

DEUTERONOMIO 34:10

Jare mbaetɨ ye ma opüa ïru ñeemombeúa Israel pe Moisés rami vae, jae ndive yandeYa imiari oyoova pe etei vae,

DEUTERONOMIO 5:4

YandeYa imiari pe ndive oyoova pe, tata jendɨ vae mbɨte güi.

Santiago 2:23

Jare oyembopo Tumpa Iñee pe jei vae: “Abraham güɨrovia Tumpa, jókuae iporogüɨrovia rupi omae jese jupi. Jare Tumpa ombojee Abraham, jae ko ivɨa-ïru.”