ÉXODO 32:22 - Biblia Guarani Tumpa Iñee

²² Jare Aarón jei: —Agüɨye ndearasɨ cheya, nde reikuaa kuae reta ikavimbae kotɨño ipɨa reta vae.

ÉXODO 32:22 ပူးပေါင်းရင်းမြစ်များ

GÉNESIS 44:18

Jayave Judá oya katu jese jare jei chupe: —Tataɨ cheya, romoñera chemiari vaerä ndeve mbovɨ ndeapɨsa pe, jare agüɨye ndearasɨ chekotɨ, echa mburuvicha guasu Faraón rami ko nde.

SALMOS 36:4

Jupa pe oyemongeta ikavimbae reño; oiko ikavimbae rupi, mbaetɨ güɨröɨro ikavimbae.

ÉXODO 14:11

Jei reta Moisés pe: —¿Mbaetɨ pa tɨvɨa renda Egipto pe orerenoe vaerä opa romano ñuu rupi? ¿Maera pa körai oreapo, opa orerenoe Egipto güi?

ÉXODO 15:24

Jayave iñeenguru reta Moisés kotɨ, jei reta: “¿Mbae pa añave routa?”

ÉXODO 16:20

Ërei ngatu jae reta mbaetɨ güɨrovia Moisés, echa amogüe oñovatu pɨareve peguarä, jare jókuae nunga jaso jare iine; jare Moisés iyarasɨ ikotɨ reta.

ÉXODO 16:28

Jayave yandeYa jei Moisés pe: —¿Kërai yave regua pa mbaetɨta perovia cheporookuai reta?

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

PROVERBIOS 4:16

Echa jae reta mbaetɨ ko oke oyapoä ñogüɨnoi ikavimbae yave; oyembojopeɨä reta mbaetɨ yave kia oitɨ reta.

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

DEUTERONOMIO 9:24

¡Che amboɨpɨ pokuaa güive pepɨapochɨ reteiño yandeYa kotɨ!

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

1 SAMUEL 15:15

Jare Saúl jei: —Amalec iñemuña reta güi ko güeru reta; echa sundaro reta iñɨ̈ro vecha jare guaka ikavigüe pe, ndeYa Tumpa pe oyeyuka oñemee vaerä, ërei ïru reta opaetei romokañɨtei.

1 SAMUEL 15:21

Ërei sundaro reta oipɨɨ vecha reta jare guaka reta ikavigüe, jókuae yepopeyu oï jese vae güi; Gilgal pe omee vaerä mɨmba oyeyukagüe ndeYa Tumpa pe.

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,