ÉXODO 32:14 - Biblia Guarani Tumpa Iñee

¹⁴ Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

ÉXODO 32:14 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

2 SAMUEL 24:16

Jare Tumpa iaraɨgua ipo omopüa Jerusalén kotɨ omboai vaerä yave jasɨ yandeYa ipɨa pe jókuae, jayave jei araɨgua oporoyuka oï vae pe: “¡Joko peño mo, agüɨye mo!” Jókuae yandeYa iaraɨgua oï Jebús pegua Arauna itrigo oyembopiriría pe.

1 CRÓNICAS 21:15

YandeYa ombou iaraɨgua omboai vaerä Jerusalén. Ërei omboai ma güɨnoi yave, yandeYa omae jare jasɨ ipɨa pe jókuae susere ombou vae re, jare jei jókuae araɨgua pe: “¡Joko peño mo!” YandeYa iaraɨgua oï Jebús pegua Ornán itrigo oyembopiriría pe.

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

ÉXODO 33:13

Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.

JEREMÍAS 18:8

Ërei jókuae tëtaguasu reta oyepoepɨ ikavimbae güi yave, mbaetɨta ma ambou mbaeporara amokätɨro anoi jese reta vae.

JEREMÍAS 26:13

Añave peyeapo kavi pereko reta güi jare perembiapo reta güi, jare peendu peYa Tumpa iñee, jayave yandeYa oipoepɨta iyemongeta, oyapota tëi ikavimbae peve vae güi.

JEREMÍAS 26:19

¿Mburuvicha guasu Ezequías jare opaete Judá pegua reta oyuka yera Miqueas? Okɨɨye reta yandeYa güi, jare oyerure chupe. Jare yandeYa ¿oipoepɨä yera iyemongeta, oyapota tëi ikavimbae ikotɨ reta vae güi? Jayave yande, ¿yayapota pa ikavimbae yae vae yandekotɨ ae?”

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

AMÓS 7:3

Jayave yandeYa oipoepɨ iyemongeta jókuae regua, jare jei: —¡Mbaetɨta jökorai!

AMÓS 7:6

Jayave yandeYa oipoepɨ iyemongeta jókuae regua, jare jei: —¡Mbaetɨta vi kuae jökorai!

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

NÚMEROS 14:20

Jayave yandeYa jei: —Che cheɨ̈ro ko chupe reta nde reiporu rami.

DEUTERONOMIO 10:10

Jare che aiko ɨvɨtɨ re tenonde yave aiko rami, cuarenta ara jare cuarenta pɨ̈tu, oendu yandeYa cheve cheyerure jare mbaetɨ pemboai.

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.