ÉXODO 32:12 - Biblia Guarani Tumpa Iñee

¹² ¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

ÉXODO 32:12 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

1 REYES 8:51

Echa tëta ndembae ko, nde renoe reta Egipto güi, horno jiero omondɨkui rami vae güi.

ESDRAS 10:14

oreruvicha reta topɨta kuae pe orerekovia pe, jare opaete orerëta guasu pegua reta güɨreko ketɨgua kuña reta vae, toyogüeru ara oyembojee chupea pe, jare jae reta ndive toyogüeru tenondegua reta, jare mburuvicha oporojäa vae reta, rombosɨrɨ regua oreyeugüi ñaneTumpa iyarasɨ kuae re vae.

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 85:3

rembosɨrɨ ndeyeugüi opaete ndearasɨ yae vae.

SALMOS 90:13

OreYa, eyerova orekotɨ, ¿kërai yave pa reyerova yeta? ¡Oreparareko, ore nderembiokuai reta!

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

ÉXODO 33:13

Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

JEREMÍAS 28:16

Jáeramo, yandeYa jei: “Romokañɨteita kuae ɨvɨ iárambo güi. Kuae año remanota, echa neñee jeko pegua opaete vae reta oyembopɨapochɨ chekotɨ.”

EZEQUIEL 20:14

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:22

Ërei ayembopɨaguasu cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

AMÓS 7:3

Jayave yandeYa oipoepɨ iyemongeta jókuae regua, jare jei: —¡Mbaetɨta jökorai!

AMÓS 7:6

Jayave yandeYa oipoepɨ iyemongeta jókuae regua, jare jei: —¡Mbaetɨta vi kuae jökorai!

JONÁS 3:9

Mbaetɨ yaikuaa Tumpa oipoepɨta ra iyemongeta iyarasɨ güi, agüɨye vaerä ñakañɨtei.”

ZACARÍAS 8:14

YandeYa Imbaepuere yae ete vae jei körai: “Ayemongeta ikavimbae ayapo vaerä peñemuñagüe reta pe chemboarasɨuka ramo, jare mbaetɨ aipoepɨ cheyemongeta.

NÚMEROS 14:19

Neɨ̈ro añave kuae tëta pe, jupimbae oyapo vae re, ndeporoparareko tuicha vae jeko pegua, neɨ̈ro kuae tëta pe, Egipto güive yogüerui oväe kuae pe regua rami.

NÚMEROS 16:21

—¡Pesɨrɨ opaete kuae yatɨ vae reta güi, opata amokañɨtei aramoete pegua!

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

DEUTERONOMIO 9:28

agüɨye vaerä jei ɨvɨ orerenoe chugüi vae pegua reta: Tumpa mbaetɨ ipuere güɨroike reta ɨvɨ güɨrökuavee chupea pe, ani ipuere jei reta: Echa omotareɨ reta ramo güɨnoe güɨraja opa oyuka ñuu pe.

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.