ÉXODO 32:1 - Biblia Guarani Tumpa Iñee

¹ Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 32:1 ပူးပေါင်းရင်းမြစ်များ

GÉNESIS 19:14

Jayave Lot oë ojo imiari jovayarä vae reta pe, tayɨ reta ndive omendata vae, jei chupe reta: —¡Pepüa jare peë kuae güi; echa cheYa omokañɨteita kuae tëta guasu! Ërei ngatu jovayarä vae reta oyoyaiño, mbaetɨ güɨrovia, echa Lot jei jeiñoecha chupe reta.

GÉNESIS 21:26

Abimelec jei: —Mbaetɨ etei ko aikuaa jókuae regua, nde ave mbaetɨ reikuaauka cheve, mbaetɨ aikuaa kia ra oyapo kuae.

GÉNESIS 39:8

Jare jae mbaetɨ oipota, jare jei iya jembireko pe: —Mase, cheya mbaetɨ ko oyemoambeko jo pegua reta re, jare oeya ko chepo pe opaete imbaembae.

GÉNESIS 44:15

José jei chupe reta: —¿Maera pa kuae peyapo? ¿Mbaetɨ pa peikuaa metei kuimbae che rami vae, oecha ko opaete mbaembae regua vae?

GÉNESIS 44:4

Jare tëta guasu güi ndeiño mombɨrɨ yogüɨraja mbove, José jei imbaembae iyangarekoa pe: —Epüa jare eaɨkuemoña jókuae kuimbae reta jare reupitɨ yave ere chupe reta: “¿Maera pa pemboekovia ikavimbae vae pe, mbae ikavi ayapo peve vae? ¿Maera pa peñomi chekopa korepoti pegua?

SALMOS 106:19

Horeb pe oyapo reta iyeupe toro taɨrusu vae iä, oyetavatɨka reta mbae iä oro oyemondɨkuigüe pe oyapo reta vae jóvai.

ÉXODO 13:21

Jare yandeYa ojo jae reta jenonde metei jɨsɨ amapɨtu re, ara pe omomoe vaerä japerä, jare pɨ̈tu yave metei jɨsɨ tata ara re, omoembipe vaerä chupe reta; ipuere vaerä oguata reta ara pe jare pɨ̈tu yave.

ÉXODO 14:11

Jei reta Moisés pe: —¿Mbaetɨ pa tɨvɨa renda Egipto pe orerenoe vaerä opa romano ñuu rupi? ¿Maera pa körai oreapo, opa orerenoe Egipto güi?

ÉXODO 16:3

Körai jei Israel iñemuña reta chupe reta: —¡Maera ra romano voiä yandeYa ipo pe ɨvɨ Egipto pe! Roguapɨse yave yapepo soo ndive jare mbɨyape rou orerɨ̈vɨata regua; ërei pe orerenoe kuae ñuu rupi oreyukauka vaerä yɨmbɨaɨ pe opaete kuae roiko vae.

ÉXODO 20:23

Agüɨye peyapo tumpa oro pegua ani korepoti pegua, pemboete vaerä che chemboete rami.

ÉXODO 24:12

Jayave yandeYa jei Moisés pe: —Eyeupi eyu chekotɨ ɨvɨtɨ re, cheräro joko pe, ameeta ndeve ita ipe vae; mborookuai reta aikuatía amboe reta vaerä.

ÉXODO 24:18

Jare Moisés oike amapɨtu iyɨvɨte pe, oyeupi ɨvɨtɨ re; Moisés oiko ɨvɨtɨ re cuarenta ara jare cuarenta pɨ̈tu.

ÉXODO 32:11

Jayave Moisés oyerure yandeYa Tumpa pe, jei: —CheYa, ¿maera pa ndearasɨta ndembae vae reta kotɨ, nde renoe ɨvɨ Egipto güi ndembaepuere yae rupi vae?

ÉXODO 32:22

Jare Aarón jei: —Agüɨye ndearasɨ cheya, nde reikuaa kuae reta ikavimbae kotɨño ipɨa reta vae.

ÉXODO 32:23

Jae reta ko jei cheve: “Eyapo oreve tumpa orereroata vaerä, echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.”

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

ÉXODO 33:3

Pekua ɨvɨ ikavi yae vae pe; ërei che mbaetɨta aja pe ndive, echa pe reta ipɨa täta yae vae ko, agüɨye vaerä opa pomboai tape rupi.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

OSEAS 12:13

Metei ñeemombeúa rupi, yandeYa güɨnoe Israel iñemuña reta Egipto güi; ¡metei ñeemombeúa rupi oyangareko jese reta!

MIQUEAS 6:4

Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

NÚMEROS 14:22

Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,

San Mateo 24:43

Mase: Metei o iya oikuaa yave mona mbae ora pe outa imonda vae omaeñomi, oärota tëi ko jare ngaraa ko omaeño imonda vae omaeño oike jo pe.

San Mateo 24:48

Ërei jókuae tembiokuai jeko kavimbae jei yave iyeupe: ‘Cheya ngaraa ou ye jarembae.’

Hechos 17:29

Tumpa iñemuña ko yande yave, mbaetɨ ko ikavi yae vaerä Tumpa ko jae mbae iä oro pegua, korepoti pegua ani ita pegua, kuimbae reta ipoki rupi oyapo vaeño ko.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Hechos 7:40

Jare jei reta Aarón pe: “Eyapo oretumpa retarä yogüɨraja vaerä orerenonde. Echa kuae Moisés Egipto güi orerenoe vae, mbaetɨ roikuaa mbae ra oasa.”

DEUTERONOMIO 31:8

YandeYa ojota nderenonde; jae oïta nde ndive, ngaraa ndereeya, ngaraa ndereeya iyangarekoambae; agüɨye ekɨɨye jare agüɨye ndepɨa kɨɨye.”

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

DEUTERONOMIO 9:9

Che ayeupi yave amboresive vaerä ita ipe vae, oyekuatía jese morogüɨrökuavee päve yandeYa oyapo pe ndive vae, jayave ɨvɨtɨ pe aiko cuarenta ara jare cuarenta pɨ̈tu, akarumbae jare aɨumbae.

JOSUÉ 7:13

Epüa, eñono tee cheve opaete vae, ere chupe reta: “Peñeñono tee Tumpa pe pɨareve peguarä; echa yandeYa, Israel iTumpa jei körai: ‘Pe Israel iñemuña reta, yepopeyu oï jese vae oime penoi; mbaetɨta pepuere peñeraro perovaicho reta ndive, peekɨ regua pepɨte güi jókuae yepopeyu oï jese vae.’ ”

2 Pedro 3:4

jei retata: “¿Kërai pa Cristo ou yeta vae regua? Echa ñaneñemuñagüe reta omano güive opaete mbaembae oyovakeño oï ɨvɨ Tumpa oyapo güive.”