ÉXODO 30:6 - Biblia Guarani Tumpa Iñee

⁶ Toñono reta asoya o imboyaoa jenonde, käjou yemomaendúa pegua jóvai oï vae, ñɨ̈ro renda käjou yemomaendúa pegua iárambo jóvai oï vae jenonde, che añoväeta nde ndivea pe.

ÉXODO 30:6 ပူးပေါင်းရင်းမြစ်များ

1 CRÓNICAS 23:13

Amram taɨ reta jae Aarón jare Moisés. Tumpa oiparavo Aarón omee vaerä mbota reta oñeñono tee kavi yae vae, oapɨ vaerä ikäti kavi vae incienso yandeYa jóvai, oyeokuai vaerä jare jei avei vaerä ñee kavi, mbaravɨkɨ oyapo vaerä Aarón jare taɨ reta jekuae avei pegua.

1 CRÓNICAS 28:11

Jayave David omee taɨ Salomón pe, tupao iä oñejäa kërai oyeapo vaerä vae regua, o oñemopüa vae jare oñeñovatu mbae pɨpe vae, o ɨvate vae pegua o raɨ reta, jare tupao rapɨpe ñɨ̈ro renda.

ÉXODO 30:36

Jare kuae reta güi mbovɨ emonguiasɨ jare eñono käjou yemomaendúa pegua jóvai, tupao guakapi pegua pe, che ayeechaukata ndevea pe. Kuae toiko peveguarä oñeñono tee kavi yae vae,

ÉXODO 30:5

Ɨvɨra käti toñopa reta jókuae ɨvɨra oyepɨasa vae retarä, jare toñova reta oro pe.

ÉXODO 30:7

Jare Aarón toapɨ jese incienso ikäti kavi yae vae, ara ñavo toapɨ, oyapo kavi yave mechero reta.

ÉXODO 40:26

Oñono vi ikäti kavi vae incienso oyeapɨ jese vae oro pegua tupao guakapi pegua japɨpe, asoya o imboyaoa jóvai,

ÉXODO 40:3

jare eñono pɨpe käjou yemomaendúa pegua, jare omoia vaerä emoata asoya o imboyaoa.

ÉXODO 40:5

ikäti kavi vae incienso oyeapɨ jese vaerä vae oro pegua, käjou yemomaendúa pegua re katu, jare eñono asoya tupao guakapi pegua jöke re.

LEVÍTICO 16:13

Jare toñono jókuae ikäti kavi vae incienso tata pe, cheróvai, jare jätati toñova ñɨ̈ro renda, käjou yemomaendúa pegua iárambo oï vae. Jökorai agüɨye vaerä omano sacerdote Aarón.

NÚMEROS 17:4

Jare eñono popoka reta tupao guakapi pegua pe, käjou jóvai, che ayekuaa pevea pe.

San Mateo 27:51

Jayave asoya tupao imboyaoa osoro mbɨte rupi ɨvate güi ɨ́vɨkotɨ. Jare ɨvɨ okana jare ita guasu reta oyeka.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.