ÉXODO 30:35 - Biblia Guarani Tumpa Iñee

³⁵ kuae reta emboyea reyapo vaerä metei ikäti kavi vae incienso, mbae ikäti kavi vae iyapoa jembiapo rami, emboyea kavi eyapo kuae reta oyeambae jare ikɨambae.

ÉXODO 30:35 ပူးပေါင်းရင်းမြစ်များ

1 REYES 1:39

Joko pe sacerdote Sadoc, oipɨɨ tupao guakapi pegua güi guakaräti asaite ndive jare opɨyere jese oñono tee Salomón mburuvicha guasurä. Jaɨkue rupi omoñee reta mimbɨguasu, jare opaete vae reta osapúkai jare oyepopete mburuvicha guasu Salomón re.

1 CRÓNICAS 9:30

Amogüe sacerdote güi oyapo mbae ikäti kavi yae vae;

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

ÉXODO 28:41

Kuae temimonde reta pe emboemimonde nderɨkeɨ Aarón jare taɨ reta; javoi epɨyere jese reta asaite jare eñono tee reta yogüɨreko vaerä chesacerdote retarä.

ÉXODO 30:25

Jókuae reta güi toyapo reta asaite ñeñono tee pegua; tikavi yae mbae ikäti kavi vae iyapoa jembiapo rami, jare toiko asaite ñeñono tee peguarä.

ÉXODO 30:34

YandeYa jei ye Moisés pe: “Eipɨɨ mbaembae ikäti kavi vae, mirra ikavi yae vae, poäpe ikäti kavi vae, ɨvɨra yaɨsɨ ikäti kavi vae gálbano jee vae jare ikäti kavi vae incienso oyeambae; opaete metei rami päve tipoɨ;

ÉXODO 30:36

Jare kuae reta güi mbovɨ emonguiasɨ jare eñono käjou yemomaendúa pegua jóvai, tupao guakapi pegua pe, che ayeechaukata ndevea pe. Kuae toiko peveguarä oñeñono tee kavi yae vae,

PROVERBIOS 27:9

Mbae ikäti kavi vae, yandemboyerovia ñaëtu yave, jökorai ko ikavi yae, vɨa-ïru güi yaendu yemboarakuaa vae.

CANTARES 1:3

ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

CANTARES 3:6

¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

LEVÍTICO 16:12

Jaɨkue rupi toipɨɨ metei ikäti kavi vae incienso oyeapɨ pɨpe vae, tomotɨnɨe tätapɨi pe, mɨmba oyeyuka oyeapɨ jese vae cheróvai oï vae güi, jare mókoi poagua togüɨraja incienso ikäti kavi vae oyeyosogüe, jare togüɨroike tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe.

LEVÍTICO 2:13

Jare toyemboembochɨ opaete mbota temitɨ jäɨgüe oñemee vae, jare agüɨye etei toata yukɨ mbota oñemee vae pe, yukɨ morogüɨrökuavee päve pegua neTumpa ndive oyeapo vae; echa yukɨ oporomomaendúa aveita morogüɨrökuavee päve peyapo oyoupe vae re; jáeramo toñeñono avei yukɨ opaete mbota oñemee vae re.

San Juan 12:3

Jayave María güeru medio kilo mbae ikäti kavi vae nardo jee vae jepɨ yae vae jare opɨyere Jesús ipɨ re. Jare omotini ia pe. Jare opaete o tɨnɨe ikäti kavi.