ÉXODO 30:25 - Biblia Guarani Tumpa Iñee

²⁵ Jókuae reta güi toyapo reta asaite ñeñono tee pegua; tikavi yae mbae ikäti kavi vae iyapoa jembiapo rami, jare toiko asaite ñeñono tee peguarä.

ÉXODO 30:25 ပူးပေါင်းရင်းမြစ်များ

1 REYES 1:39

Joko pe sacerdote Sadoc, oipɨɨ tupao guakapi pegua güi guakaräti asaite ndive jare opɨyere jese oñono tee Salomón mburuvicha guasurä. Jaɨkue rupi omoñee reta mimbɨguasu, jare opaete vae reta osapúkai jare oyepopete mburuvicha guasu Salomón re.

1 CRÓNICAS 9:30

Amogüe sacerdote güi oyapo mbae ikäti kavi yae vae;

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

SALMOS 89:20

¡Aväe cherembiokuai David! Aiparavo cheasaite oñeñono tee vae rupi.

ÉXODO 28:41

Kuae temimonde reta pe emboemimonde nderɨkeɨ Aarón jare taɨ reta; javoi epɨyere jese reta asaite jare eñono tee reta yogüɨreko vaerä chesacerdote retarä.

ÉXODO 29:21

Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

ÉXODO 30:24

ova kilo ɨvɨra casia jee vae, o mbaemboete renda pe korepoti oñejäa rami, jare mboapɨ litro oasa mi olivo asaite.

ÉXODO 30:32

Oipotagüe kuimbae re agüɨye toyepɨyere, agüɨye toyeapo ïru jókuae rami etei vae; echa ikɨambae ko, jare ikɨambae toiko peve.

ÉXODO 30:35

kuae reta emboyea reyapo vaerä metei ikäti kavi vae incienso, mbae ikäti kavi vae iyapoa jembiapo rami, emboyea kavi eyapo kuae reta oyeambae jare ikɨambae.

ÉXODO 35:15

ikäti kavi vae incienso oyeapɨ jese vae jare iɨvɨra reta, asaite yeparavo pegua jare incienso ikäti kavi yae vae, asoya tupao guakapi pegua jöke reguarä;

ÉXODO 37:29

Oyapo vi asaite ikɨambae yeparavo pegua, jare ikäti kavi vae incienso oyeambae, ikäti kavi vae, mbae ikäti kavi vae iyapoa jembiapo rami.

ÉXODO 40:9

Javoi eipɨɨ asaite yeparavo pegua, jare epɨyere tupao guakapi pegua re jare opaete mbaembae pɨpegua re; jökorai eñono tee opaete jembiporu reta ndive, jare toiko oñeñono tee vae.

ECLESIASTÉS 10:1

Mberu omanogüe omoine mbae ikäti kavi yae vae. Jökorai ko, mbae michi vae rupi oñererokomegua iyarakuaa vae jare imboetea yae vae.

LEVÍTICO 8:10

Jare Moisés oipɨɨ olivo iasaite yeparavo pegua, jare oñapiramo tupao guakapi pegua, jare opaete mbaembae reta oï pɨpe vae, jökorai oñono tee Tumpa peguarä.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

NÚMEROS 35:25

Opaete vae toepɨ jókuae oporoyuka vae omano vae jëtara güi, jare jókuae oporoyuka vae topɨta jókuae tëta guasu ojo oñepɨ̈roa pe. Topɨta toiko joko pe omano regua sacerdote tenondegua, jókuae oyeparavo olivo iasaite yeparavo pegua pe vae.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”