ÉXODO 30:15 - Biblia Guarani Tumpa Iñee

¹⁵ Omee reta yave mbota che peYa pe jekove re, oikokatu vae ave agüɨye tomoïru, jare paravete vae agüɨye toata tomee jókuae cinco gramo korepoti vae, omee reta yave mbaeyoa oyemboai vaerä.

ÉXODO 30:15 ပူးပေါင်းရင်းမြစ်များ

2 SAMUEL 21:3

David oparandu Gabaón pegua reta pe: —¿Mbae pa ayapota peve, ani mbae pe pa pombopɨakatuta pere vaerä ñee kavi tëta yandeYa imbae vae kotɨ?

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

ÉXODO 30:12

“Reipapa yave Israel iñemuña reta, metei ñavo tomee korepoti che peYa pe jekove re, reipapa reta yave, agüɨye vaerä oparapiti mbaerasɨ pɨ̈chɨi yae vae.

ÉXODO 30:14

Opaete oyepapagüe reta veinte año güi kutɨ, tomee mbota cheve.

ÉXODO 30:16

Jayave, eipɨɨ Israel iñemuña reta güi korepoti omee mbaeyoa oyemboai vaerä vae, jare emee tupao guakapi pegua pe mbaravɨkɨ oyeapo vaerä. Mbaeyoa oyemboai vaerä omee reta jekove re vae, toiko chemomaendúa vaerä Israel iñemuña reta re.”

ÉXODO 38:26

Jare metei ñavo omee reta cinco gramo korepoti, o mbaemboetea pe korepoti oñejäa rami; opaete oyepapa vae reta veinte año güi kutɨ, jae ko seisciento tres mil quiniento cincuenta.

PROVERBIOS 22:2

Oikokatu vae jare paravete vae, oyovakeño ko; opareve, yandeYa ko oyapo.

EZEQUIEL 45:16

Opaete vae reta omee tai ko mbota, Israel pegua mburuvicha peguarä,

LEVÍTICO 17:11

Echa opaete oikove vae, tugüɨ re ko güɨnoi tekove, jare jókuae tugüɨ che amee peve, cheɨ̈ro vaerä peyoa re, mɨmba oyeyuka oyeapɨ jese vae re, echa tugüɨ etei ko omboai mbaeyoa.

NÚMEROS 31:50

Jáeramo, rogüeru mbota yandeYa pe metei ñavo roväe chupe mbae ikavi vae oro pegua, yɨva regua, poapɨ regua, moäka-vera, namicha jare mboɨ Tumpa iñɨ̈ro vaerä oreyoa re.”

Efesios 6:9

Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa jare peYa ara pe oï vae, mbaetɨ ko oporomboyoavɨ.

Colosenses 3:25

Ërei jupimbae oyapo vae pe, oyemboekoviata jókuae jupimbae oyapo vae, echa Tumpa mbaetɨ ko oporomboyoavɨ.