ÉXODO 30:10 - Biblia Guarani Tumpa Iñee

¹⁰ Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

ÉXODO 30:10 ပူးပေါင်းရင်းမြစ်များ

1 REYES 1:50

Jare Adonías okɨɨye güi opüa ojo oyepɨɨ oï guakarätiecha oï mɨmba oyeyuka oyeapɨ jese vae re vae.

1 CRÓNICAS 6:49

Ërei Aarón jare iñemuña reta ko jae oapɨ mbota reta vae, mɨmba oyeyukagüe opaetei oyeapɨ jesea pe vae jare ikäti kavi vae incienso oyeapɨ jesea vae re. Jare vi oyapo reta opaete mbaravɨkɨ tupao rapɨpe oñeñono tee kavi yae vae pe, joko pe oyapo reta Tumpa iñɨ̈ro vaerä Israel iyoa re. Oyapo reta Moisés Tumpa jembiokuai oporookuai rami.

ÉXODO 30:11

YandeYa jei vi Moisés pe:

ÉXODO 30:9

Agüɨye tomee reta jese ambuae ikäti kavi vae incienso, mɨmba oyeyukagüe opaetei oyeapɨ vae, mbota temitɨ iagüe reta, vino mbota oyepɨyere vae ave.

LEVÍTICO 16:16

Jökorai toitɨo tupao guakapi pegua japɨpe oñeñono tee kavi yae vae, Israel iñemuña reta ikɨa Tumpa jóvai, ipɨapochɨ jare opaete iyoa reta jeko pegua; jökorai vi toyapo tupao guakapi pegua, echa oiko jae reta ndive ikɨa reve ipɨte pe.

LEVÍTICO 16:18

toë toitɨo ikäti kavi vae incienso oyeapɨ jese vae cheróvai oï vae. Toipɨɨ toro taɨrusu vae jugüɨgüe jare kavara kuimbae jugüɨgüe jare toipichɨ togüɨroyere ikäti kavi vae incienso oyeapɨ jese vae re guakarätiecha ñogüɨnoi vae re,

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

LEVÍTICO 4:18

Jare jókuae tugüɨ toipichɨ mɨmba oyeyuka oyeapɨ jese vae re guakarätiecha ñogüɨnoi vae re cheróvai tupao guakapi pegua pe, jare jembɨregüe topɨyere mɨmba oyeyuka oyeapɨ jese vae iyɨpɨ re, mɨmba oyeyukagüe opaetei oyeapɨa re, tupao guakapi pegua jöke pe oï vae.

LEVÍTICO 4:7

Jare toipichɨ jókuae tugüɨ guakarätiecha ñogüɨnoi incienso ikäti kavi yae vae oyeapɨ jese vae re, tupao guakapi pegua pe cheróvai oï vae; jare jókuae toro taɨrusu vae jugüɨ jembɨregüe topɨyere mɨmba oyeyuka oyeapɨ jese vae iyɨpɨ re, mɨmba oyeyukagüe opaetei oyeapɨa re, tupao guakapi pegua jöke pe oï vae.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 9:25

ërei mbaetɨ ko oike avei, sacerdote tenondegua ete año ñavo oike cuarto oñeñono tee kavi yae vae pe tugüɨ ambuae ndive vae rami;

Hebreos 9:7

Ërei cuarto oñono tee kavi yae vae pe, sacerdote tenondegua eteño oike metei vese año pe, güɨroike reve tugüɨ. Jae omee iyegua jare jeta vae reta oikuaambae reve iyoa vae re.

Apocalipsis 9:13

Jayave araɨgua ovaa omoñee mimbɨguasu, jare aendu ñee Tumpa jóvai oï ikäti kavi vae incienso oyeapɨ jese vae oro pegua re guakarätiecha oï vae ipäu güi;