ÉXODO 3:2 - Biblia Guarani Tumpa Iñee

² Joko pe oyekuaa chupe yandeYa iAraɨgua metei yai jendɨ oï vae güi; jare omae yai jendɨ vae re, ërei jókuae yai mbaetɨ ókai.

ÉXODO 3:2 ပူးပေါင်းရင်းမြစ်များ

GÉNESIS 21:17

Jare Tumpa oendu kunumi raɨ jäse vae; jare Tumpa iAraɨgua oenɨi ara güi Agar, jare jei chupe: “¿Maratu pa reiko Agar? Agüɨye ekɨɨye, echa Tumpa oendu kunumi raɨ jäse vae jókuae oïa güi.

GÉNESIS 22:11

Jayave yandeYa iAraɨgua ombou iñee chupe osapúkai reve: —¡Abraham! ¡Abraham! Jare Abraham jei: —Mbae pa cheYa.

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

SALMOS 66:12

Remaeño oipotagüe kuimbae reta opɨ̈ro oreaseo re; roasa tata rupi jare ɨ rupi rami, ërei taɨkue ete rupi remee roikove.

ÉXODO 19:18

Jare ɨvɨtɨ Sinaí opaetei jätati, echa yandeYa ogüeyɨ jese tata ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

ÉXODO 23:20

Mase, ko che amondo chearaɨgua, peangareko vaerä tape rupi, jare pereroike vaerä ɨvɨ amokätɨro pevea pe.

ÉXODO 24:17

YandeYa iyemboetea oyekuaa tata tuicha yae vae rami ɨvɨtɨ iyapɨte re, opaete Israel iñemuña reta jovake.

ÉXODO 3:16

Ekua, jare emboatɨ Israel iñemuña reta itenondegua reta, jare ere chupe reta: “YandeYa, peñemuñagüe Abraham, Isaac jare Jacob iTumpa oyekuaa cheve jare jei añetete outa ko pemborɨ vae, oecha ko opaete Egiptoɨgua reta oyapo pekotɨ vae.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

DANIEL 3:27

Jare oyemboatɨ ɨvɨ iyangarekoa reta, tenondegua reta, sundaro ruvicha reta, jare mburuvicha guasu imboarakuaa reta, omae reta vaerä kuae kuimbae reta re, kërai tata mbaetɨ ave güɨnoi mbaepuere jete reta re, ia reta ave mbaetɨ ókai; jemimonde reta ave mbaetɨ maratu, mbaetɨ ave tata piche yepe jae reta.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

San Marcos 12:26

Omanogüe reta oikove yeta vae regua ¿mbaetɨ pa pemongeta Moisés oikuatiagüe pe?, kërai Tumpa jei Moisés pe jókuae yai jendɨ vae güi: “Che ko jae, Abraham, Isaac jare Jacob iTumpa.”

San Lucas 20:37

Omanogüe reta oikove yeta vae regua, Moisés oikuaauka vi jókuae yai jendɨ vae regua oikuatía vae rupi. Echa jei, yandeYa jae ko Abraham, Isaac jare Jacob iTumpa.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

DEUTERONOMIO 33:16

yagüɨye kavi yae ɨvɨ rupi vae ñurati pɨte pe oyekuaa vae, ipɨakatu vae tou José iárambo, jókuae jëtara reta itenondeguarä oï vae re.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

2 Tesalonicenses 1:7

jare pe reta peiporara vae jae omeeta peve mbutuu ore ndive, yandeYa Jesús oyekuaa ara güi yave imbaepuere pegua araɨgua reta ndive.

JUECES 13:13

YandeYa iaraɨgua jei Manoa pe: —Nderembireko toyapo opaete jae chupe vae: