ÉXODO 3:14 - Biblia Guarani Tumpa Iñee

¹⁴ Jare Tumpa jei Moisés pe: —CHE KO JAE CHE. Jare jei: Köraita rere Israel iñemuña reta pe: “CHE KO jee vae chembou pekotɨ.”

ÉXODO 3:14 ပူးပေါင်းရင်းမြစ်များ

JOB 11:7

¿Reikuaata pa nde mbaembae yavai yae Tumpa regua vae? ¿Reikuaata pa, Imbaepuere yae ete vae kërai etei ko vae?

SALMOS 68:4

Petairari Tumpa pe, petairari Salmo pe jae jee re. Pembotuicha ɨvate ara rupi oguata vae. ¡Peyerovia yandeYa jee re! ¡Peyerovia jae jóvai!

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

ÉXODO 15:3

YandeYa jae ko ñeraro regua. YandeYa, ¡jae ko jee!

ÉXODO 23:21

Agüɨye pesɨrɨ chugüi, peendu iñee; agüɨye pepɨarai chupe, echa jae ngaraa iñɨ̈ro peve pepɨarai vae re, echa cherekovia pe jae oï.

ÉXODO 3:13

Jare Moisés jei Tumpa pe: —Mase, aja aväe yave Israel iñemuña reta pɨri, jare jaeta chupe reta: “Peñemuñagüe reta iTumpa chembou pekotɨ,” jare jae reta oparandu yave cheve: “¿Mbae pa jee?” ¿Che pa, mbae jaeta chupe reta?

ÉXODO 6:2

Tumpa jekuae omomiari ye Moisés jare jei chupe: —Che ko jae peYa.

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

San Juan 8:28

Jesús jei chupe reta: —Che Kuimbaerä ayeapo vae pe reta chereupi ma kurusu re yave, chekuaata CHE KO vae. Jare mbaetɨ mbae ayapo cheyeugüi aeño vae, jaeño cheRu chemboe vae rupiño chemiari.

San Juan 8:58

Jesús jei chupe reta: —Añetete che jae peve, ndei Abraham oiko mbove, che oimeño mai aiko.

2 Corintios 1:20

Echa opaete Tumpa güɨrökuavee vae Cristo oyapota ko. Jáeramo romboete yave roe: “Amén” Tumpa pe, Cristo rupi.

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”