ÉXODO 3:1 - Biblia Guarani Tumpa Iñee

¹ Moisés omongaru oiko jovaya Jetro, sacerdote Madián pegua ivecha reta yave, güɨraja vecha reta ñuu rupi, jare ojo oväe Horeb pe, Tumpa iɨvɨtɨ pe.

ÉXODO 3:1 ပူးပေါင်းရင်းမြစ်များ

1 REYES 19:19

Jae ojo ramboeve joko güi, oväe Eliseo, Safat taɨ ombaeara ñogüɨnoi doce yoayu güeye reta pe, jare jae oiko taɨkue ete ou vae ndive. Jare Elías oasa jóvai rupi jare omombo jese jemimonde iarambogua.

1 REYES 19:8

Jare opüa okaru jare oɨu; jókuae tembíu omomɨ̈rata, jare oguata cuarenta ara jare cuarenta pɨ̈tu, ojo regua oväe Horeb pe, Tumpa iɨvɨtɨ re.

SALMOS 106:19

Horeb pe oyapo reta iyeupe toro taɨrusu vae iä, oyetavatɨka reta mbae iä oro oyemondɨkuigüe pe oyapo reta vae jóvai.

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 19:11

jare toyupavo reta toñogüɨnoi kóeramo peguarä, echa mboapɨa ara pe, che peYa agüeyɨta opaete vae reta jesa róvai ɨvɨtɨ Sinaí re.

ÉXODO 19:2

Refidim güi ñogüɨnoe reta, jare opa yogüɨraja oväe ñuu Sinaí pe; jare joko pe oyembojeyupa reta ɨvɨtɨ guasu jóvai.

ÉXODO 19:3

Joko pe Moisés oyeupi oñoväe vaerä Tumpa ndive; jare yandeYa oenɨi jókuae ɨvɨtɨ güi, jei chupe: —Körai ere Jacob iñemuña reta pe, jae ko Israel jee vae iñemuña reta:

ÉXODO 2:16

Jare ɨkua iyɨpɨ pe oguapɨ oï ramboeve, sacerdote Madián pegua chiu tayɨ reta yogüeru güɨnoe ɨ, omotɨnɨe vaerä mɨmba iɨguarɨru reta, omboɨu reta vaerä tu ivecha reta,

ÉXODO 2:18

Jare yogüeru ye yave, tu Reuel jei chupe reta: —¿Maera yera jarembae mbatee peyu añave?

ÉXODO 2:21

Jare Moisés oñemokɨ̈reɨ opɨta vaerä jókuae kuimbae pɨri; jare jae omee tayɨ Séfora Moisés jembirekorä,

ÉXODO 24:13

Moisés opüa ojo jembiokuai Josué ndive. Jare Moisés oyeupi Tumpa iɨvɨtɨ re.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 3:5

Jare jei chupe: —Agüɨye eya kuae kotɨ; eekɨ ndepɨapaa ndepɨ güi, echa kuae ɨvɨ reï pɨpe vae, ɨvɨ oñeñono tee vae ko.

ÉXODO 33:6

Jayave ɨvɨtɨ Horeb güive, Israel iñemuña reta mbaetɨ ma oyemonde reta temimonde ikavigüe pe.

ÉXODO 4:18

Körai Moisés oyerova ye jovaya Jetro jëta pe, jare jei chupe: —Aja yeta cherëtara reta Egipto pe ñogüɨnoi vae pɨri, aikuaa vaerä oimeño ra yogüɨreko vae. Jare Jetro jei Moisés pe: —Ekua mbɨakatu reve.

ÉXODO 4:27

Jökorai ramboeve yandeYa jei vi Aarón pe: “Ekua ñuu kotɨ eövaiti Moisés.” Jayave Aarón ojo ñuu kotɨ, jare oväe chupe Moisés, Tumpa iɨvɨtɨ pe. Joko pe maraetei oyapo chupe oovapɨte reve.

AMÓS 1:1

Kuae jae ko Amós iñee reta. Jae ko Tecoa pegua vecha iyangarekoa reta güi metei, Tumpa güi ou chupe ñee Israel regua vae omoërakua, mókoi año ndei oime mbove ɨvɨkana, Uzías oiko yave mburuvicha guasurä Judá pe, jare Jeroboam oiko yave mburuvicha guasurä Israel pe; Jeroboam ko Joás taɨ.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

NÚMEROS 10:29

Jayave Moisés jei jovaya Hobab pe, Ragüel taɨ pe; Ragüel ko jae Moisés jembireko tu, Madián pegua: —Ore rojota ɨvɨ yandeYa güɨrökuavee orevea kotɨ. Yaja orerupíe, ore romae kavita nderé, echa yandeYa güɨrökuavee ikavi vae Israel iñemuña reta pe.

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

San Lucas 2:8

Jare jókuae pɨ̈tu amogüe vecha iyangarekoa reta oyangareko ñogüɨnoi ivecha reta re köiño jókuae tëta güi.

Hechos 7:30

Cuarenta año ma oasa yave, metei araɨgua oyekuaa chupe ñuu pe, ɨvɨtɨ guasu Sinaí iyɨpɨ pe. Metei yai jendɨ oï vae güi.

DEUTERONOMIO 1:2

Once ara yaguata Horeb güi Cades-barnea kotɨ, ɨvɨtɨ Seir rupi tape ojo vae rupi.

DEUTERONOMIO 1:6

“YandeYa Tumpa jei yandeve Horeb pe, körai: ‘Ɨma yae ma peiko kuae ɨvɨtɨ rupi.

DEUTERONOMIO 4:10

Jókuae ara peï yave ɨvɨtɨ Horeb pe yandeYa Tumpa jóvai, yandeYa jei cheve: ‘Emboatɨ cheve opaete vae, aenduka vaerä cheñee chupe reta, kuae rupi oikuaa reta vaerä oipoɨu avei chegüi opaete ara oikove yogüɨreko ramboeve ɨvɨ pe, jare omboe reta vaerä taɨ reta oyapo vi jökorai.’

JUECES 4:11

Jare ceneo Heber, Hobab, Moisés jovaya iñemuña osɨrɨ yepe jëtara ceneo reta güi jare ojo oñemoëta ɨvɨtɨ päu Zaanaim jee vae pe, Cedes iyɨpɨ pe oï vae pe.

1 SAMUEL 16:11

Jayave Samuel jei ye Isaí pe: —¿Jae pa opaete kuae nderaɨ reta? Jare jae jei: —Oata vɨteri taɨkuegua ete, vecha reta re oyangareko vae. Jare Samuel jei Isaí pe: —Emondo eruruka, echa mbaetɨta yakaru, ou oväe kuae pe regua.