ÉXODO 29:46 - Biblia Guarani Tumpa Iñee

⁴⁶ Jare oikuaa retata che ko jae peYa, jae reta iTumpa, ɨvɨ Egipto güi güɨnoe vae, aiko vaerä jae reta ipɨte pe. Che ko jae peYa Tumpa.

ÉXODO 29:46 ပူးပေါင်းရင်းမြစ်များ

2 CRÓNICAS 6:18

Ërei, ¿añetete ra ko Tumpa oikota kuimbae reta ipɨte pe ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao che amopüagüe!

SALMOS 114:2

Judá ou opɨta yandeYa pe mbaemboete oñemeea rendarä, Israel ou opɨta iporookuaía rendarä.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

JEREMÍAS 14:9

¿Maera pa reï metei kuimbae ipɨakañɨiño omae ngatu vae rami, metei ñeraro regua jëia vae mbaetɨ oporoepɨ rami? Ërei, nde cheYa reï ore ndive, opaete vae oikuaa ndembae vae reta ko ore; ¡agüɨye orereeya!

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

EZEQUIEL 20:5

Ere chupe reta: ‘YandeYa Tumpa jei Körai: Aiparavo yave Israel, chepo aupi reve añererökuavee iñemuña reta pe jare ayekuaauka chupe reta Egipto pe. Chepo aupi reve añererökuavee, jae chupe reta: Che ko jae peYa Tumpa.

EZEQUIEL 34:24

Che peYa aikota peTumparä jare cherembiokuai David rami vae peruvicharä. Che peYa Tumpa jae kuae.

LEVÍTICO 11:44

Echa che ko jae peYa Tumpa; jáeramo peñeñono tee jare peiko tee mbaeyoa güi, echa che ko iyoambae. Jáeramo agüɨye peyemongɨa kuae mɨmba reta ipɨtía re oguata vae rupi.

LEVÍTICO 18:30

Jáeramo peñovatu pepɨa pe cheporookuai, agüɨye pemomoe jókuae ɨvɨ pe yogüɨreko vae jeko ikavimbae yae vae; agüɨye peyemongɨa pɨpe. Che ko peYa Tumpa.”

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

LEVÍTICO 26:11

Jare che aikota pepɨte pe, ngaraa pogüɨröɨro;

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

HAGEO 2:5

Añererökuavee peve rami, Egipto güi peë yave, jökorai cheEspíritu oïta pe ndive, agüɨye pekɨɨye.

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

1 SAMUEL 10:18

jare jei chupe reta: —Körai jei yandeYa, Israel iTumpa: “Che ko pogüɨnoe Egipto güi, jare poyora Egiptoɨgua reta ipo güi, jare opaete ïru tëta reta oiporarauka peve vae reta ipo güi.”