ÉXODO 29:42 - Biblia Guarani Tumpa Iñee

⁴² Kuae mɨmba oyeyukagüe opaetei oyeapɨ vae tomee avei peñemuña reta tupao guakapi pegua jöke pe, che peYa jóvai, joko pe che pomomiarita.

ÉXODO 29:42 ပူးပေါင်းရင်းမြစ်များ

ÉXODO 25:22

Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

ÉXODO 27:21

Aarón jare taɨ reta toñogüɨnoi oyangareko vaerä jese, jendɨ vaerä cheróvai pɨ̈tu-ɨpɨ güive köe regua tupao guakapi pegua pe, käjou yemomaendúa pegua jóvai oï asoya vae güi ikatu pe. Kuae mborookuai toï jekuae avei pegua Israel iñemuña reta pe, jare jaɨkue rupigua reta pe.

ÉXODO 29:41

Jare ïru vecha kuimbae taɨrusu vae emee kaaru yave, ndeimbove yave mbota remee rami, jare vino mbota oyepɨyere rami; mbota oyeapɨgüe ipiche katu che peYa pe vae.

ÉXODO 29:43

Joko pe aïta Israel iñemuña reta ndive; jókuae o oñeñono teeta cheyemboetea rupi.

ÉXODO 30:36

Jare kuae reta güi mbovɨ emonguiasɨ jare eñono käjou yemomaendúa pegua jóvai, tupao guakapi pegua pe, che ayeechaukata ndevea pe. Kuae toiko peveguarä oñeñono tee kavi yae vae,

ÉXODO 33:7

Jayave Moisés oipɨɨ metei küaraɨa guakapi pegua, jare omopüa mombɨrɨ katu teyupa güi ikatu pe, jare ombojee tupao guakapi pegua. Jare oipotagüe yandeYa oeka vae, ojo jókuae tupao guakapi pegua pe, teyupa güi ikatu pe oïa pe.

EZEQUIEL 43:6

Jare aendu tupao japɨpe kotɨ güi chemomiari vae; jare jókuae chereraja vae oyemboɨ oï cheɨpɨ pe,

EZEQUIEL 46:15

Jayave vecha kuimbae taɨrusu vae oyeyuka oñemee vae jare mbota temitɨ jäɨgüe jare olivo iasaite, toñemee avei ndeimbove ñavo, mɨmba oyeyukagüe opaetei oyeapɨ vaerä.

NÚMEROS 17:4

Jare eñono popoka reta tupao guakapi pegua pe, käjou jóvai, che ayekuaa pevea pe.

NÚMEROS 28:7

Jare vino oyepɨyere vae metei litro vecha kuimbae taɨrusu vae ñavo ndive; toyepɨyere jókuae vino oyemboayasɨgüe o mbaemboetea pe yandeYa jóvai.