ÉXODO 29:22 - Biblia Guarani Tumpa Iñee

²² Jaɨkue rupi eekɨ vecha kuimbae ikɨragüe, juguaigüe, ikɨra ichuri oñova vae, ipɨa ikɨragüe, jare ipɨ̈rɨkɨti mókoi reve ikɨra ndive jare iugüe iyakatu kotɨgua; echa jae ko vecha kuimbae ñeñono tee pegua.

ÉXODO 29:22 ပူးပေါင်းရင်းမြစ်များ

ÉXODO 29:13

Eekɨ vi opaete ikɨra ichuri oñova vae, ipɨa jare ipɨ̈rɨkɨti reta ikɨra, jare eapɨ mɨmba oyeyuka oyeapɨ jese vae re;

ÉXODO 29:21

Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 29:23

Eipɨɨ vi metei mbɨyape tuicha vae, jare metei mbɨyape asaite pe oyeapo vae jare metei mbɨyape ipïreriasɨ vae, mbɨyape reta oyembovumbae che peYa pe oñemee vae güi;

LEVÍTICO 10:14

Jaeramiño vi nderaɨ reta jare nderayɨ reta ndive peu ikɨambaea pe, ipɨtiagüe jare iugüe oñererökuavee vae, echa ndembae ko jare nderaɨ reta imbae ko, mɨmba oyeyuka yembopɨakatu peguarä vae Israel iñemuña reta regua oñemee vae.

LEVÍTICO 14:12

Jare sacerdote toipɨɨ metei vecha kuimbae, jare tomee olivo iasaite metei litro seri vae ndive, Tumpa iñɨ̈ro vaerä mbaeyoa re, togüɨrökuavee tomee mɨmba oñererökuavee oñemee cheróvai vae.

LEVÍTICO 3:9

Jare mɨmba yembopɨakatu pegua güi tomee cheve mbotarä oyeapɨ vae, ikɨragüe, juguai joko reve, toekɨ juguaiɨpɨ rupi, ikɨra oñova ichuri churigüe vae.

LEVÍTICO 7:3

Jare tomee opaete ikɨragüe: Júguai ikɨragüe jare opaete ikɨra oñova ichuri churigüe vae,

LEVÍTICO 7:37

Jae ko kuae mborookuai mɨmba oyeyukagüe opaetei oyeapɨ vae reta regua, mbota temitɨ jäɨgüe regua, mɨmba oyeyukagüe mbaeyoa regua, jare mɨmba oyeyuka ñɨ̈ro pegua regua, jare oñeñono tee Tumpa pe vae regua jare mɨmba oyeyukagüe yembopɨakatu regua.

LEVÍTICO 9:19

Toro jare vecha kuimbae ikɨragüe, juguaigüe, ikɨra oï ichuri churigüe re vae, ipɨ̈rɨkɨti reta jare iyambia oï ipɨa re vae,

LEVÍTICO 9:21

ërei ipɨtiagüe, iu iyakatu kotɨgua ndive, güɨrökuavee mbota oñererökuavee oñemee yandeYa pe vae, yandeYa oyókuai Moisés vae rami.

NÚMEROS 18:18

Jare isoogüe ndembaerä ko; oñererökuavee oñemee vae ipɨtiagüe jare iugüe iyakatu kotɨgua, ndembaerä vi ko.

1 SAMUEL 9:24

Jayave oñemimo vae oekɨ metei iugüe jare oñono Saúl jóvai, jare Samuel jei: —Jae ko kuae añono teeuka ndeveguarä vae. Ekaru, jae ko oñeñovatu ndeve, aparea ramboeve tëta pegua reta pe vae. Jayave jókuae ara Saúl okaru Samuel ndive.