ÉXODO 29:21 - Biblia Guarani Tumpa Iñee

²¹ Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 29:21 ပူးပေါင်းရင်းမြစ်များ

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

ÉXODO 29:1

Kuae eyapo, reñono tee vaerä chesacerdote retarä: Eipɨɨ metei toro taɨrusu vae jare mókoi vecha kuimbae jete kavi vae;

ÉXODO 29:20

Jare eyuka vecha kuimbae, jare emboɨru jugüɨgüe jare eipichɨ Aarón inambi iyakatu kotɨgua jembeɨ re, ipoäka guasu jare ipɨ̈sa guasu iyakatu kotɨgua re; jökorai vi eyapo taɨ reta, jare jókuae tugüɨ jembɨregüe pe eñapiramo mɨmba oyeyuka oyeapɨ jese vae iyɨke yɨke re.

ÉXODO 29:22

Jaɨkue rupi eekɨ vecha kuimbae ikɨragüe, juguaigüe, ikɨra ichuri oñova vae, ipɨa ikɨragüe, jare ipɨ̈rɨkɨti mókoi reve ikɨra ndive jare iugüe iyakatu kotɨgua; echa jae ko vecha kuimbae ñeñono tee pegua.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

LEVÍTICO 14:29

Jare olivo iasaite jembɨregüe toñono oyetɨo oï vae iñäka re, oñeñono kavi vaerä cheróvai.

LEVÍTICO 7:35

Jae ko kuae tembíu Aarón jare iñemuña reta imbaerä, mbota reta oyeapɨ cheve vae, jókuae ara jae oñono tee chesacerdoterä yave güive.

LEVÍTICO 8:23

Jare Moisés oñaseokɨ̈ti; jare jókuae tugüɨ güi oekɨ oipichɨ Aarón inambi iyakatu kotɨgua jembeɨ ɨvɨkotɨgua re, ipoäka guasu jare ipɨ̈sa guasu iyakatu kotɨgua re.

LEVÍTICO 8:30

Javoi Moisés oipɨɨ michi mi olivo iasaite yeparavo pegua güi, jare michi mi tugüɨ mɨmba oyeyuka oyeapɨ jese vae re oï vae güi, jare oñapiramo Aarón jare jemimonde, taɨ reta jare jemimonde reta; jökorai oñono tee Aarón jare jemimonde sacerdote pegua, jare taɨ reta jare jemimonde sacerdote pegua reve.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.