ÉXODO 29:18 - Biblia Guarani Tumpa Iñee

¹⁸ Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

ÉXODO 29:18 ပူးပေါင်းရင်းမြစ်များ

GÉNESIS 22:13

Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.

GÉNESIS 22:2

Javoi Tumpa jei chupe: —Eraja añave nderaɨ Isaac jaeño vae, reaɨu yae vae, jare ekua ɨvɨ Moriah jee vae pe, jare joko pe nderaɨ emee cheve mɨmba oyeyukagüe opaetei oyeapɨ vae rami, jókuae metei ɨvɨtɨ che amombeuta ndeve vae re.

GÉNESIS 22:7

Jayave Isaac omoë iñee jare oparandu tu pe körai: —¡Cheru! Abraham jei: —¿Mbae pa cheraɨ? Isaac jei: —Ko yaraja yepea jare vi tata, ¿jare jama pa vecha kuimbae taɨrusu vae, mɨmba oyeyukagüe opaetei oyeapɨ vaerä vae?

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

1 REYES 3:4

Mburuvicha guasu ojo Gabaón pe omee vaerä mɨmba oyeyukagüe, echa jókuae ɨvɨtɨ re oï mbaemboetea tenondegua opaete vae reta pe vae, joko pe Salomón omee mil mɨmba oyeyukagüe opaetei oyeapɨ vae.

SALMOS 50:8

Ngaraa amboeta ndeve mɨmba oyeyukagüe re, jare mɨmba oyeyukagüe opaetei oyeapɨ vae remee avei cheve vae re.

ÉXODO 29:17

Jare opa vecha kuimbae eyasɨa sɨa, eyoe ichuri reta jare iu reta, javoi eñono metei ramiño iñäka ndive.

ÉXODO 29:25

Jaɨkue rupi eekɨ ipo reta güi jare eapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, ipiche katu vaerä otimbo cheróvai. Jae ko mbota oyeapɨ che peYa pe vae.

ISAÍAS 1:11

YandeYa jei: “¿Jeta mɨmba oyeyukagüe pemee vae, mbae ra pa ikavita cheve? Chembogüérai ma mbota vecha kuimbae reta oyeyukagüe opaetei oyeapɨ vae, jare mɨmba ikɨragüe; toro reta, vecha kuimbae reta jare kavara kuimbae reta jugüɨgüe mbaetɨ ma aipota.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

LEVÍTICO 1:17

Jare toipeka ikupepɨte rupi ipepo reta ipäu rupi, ërei agüɨye tomboyao oyougüi; jare sacerdote toapɨ mɨmba oyeyuka oyeapɨ jese vae re, yepea oï tata pe vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 4:31

Jare toekɨ chugüi, opaetei ikɨragüe mɨmba oyeyukagüe yembopɨakatu pegua ikɨragüe oyeekɨ rami, jare sacerdote toapɨ mɨmba oyeyuka oyeapɨ jese vae re, ipiche katu vaerä cheve, jökorai sacerdote toyapo chupe, cheɨ̈ro vaerä iyoa re, jare cheɨ̈rota chupe.

LEVÍTICO 8:21

Jaɨkue rupi oyoe ɨ pe ichuri churigüe jare iugüe reta, jare Moisés oapɨ opaetei vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu oyeapɨ yandeYa pe vae, yandeYa oyókuai Moisés vae rami.

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

San Marcos 12:33

Jare yaaɨu yave Tumpa opaete yandepɨa ndive, opaete yanderekove ndive, opaete yandeyemongeta ndive jare opaete ñanepɨ̈rata ndive, jare yaaɨu yave yanderapicha yande yayeaɨu rami, jókuae ikavi opaete mɨmba oyeyuka opaetei oyeapɨ vae jare ïru mɨmba reta oyeyuka Tumpa pe oñemee vae güi.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

1 SAMUEL 7:9

Jare Samuel oipɨɨ vecha kuimbae raɨ okambuño vae, jare jókuae omee mɨmba oyeyukagüe opaetei oyeapɨ vae, yandeYa pe. Jare oyerure Israel iñemuña reta re, jare yandeYa oendu chupe.