ÉXODO 29:12 - Biblia Guarani Tumpa Iñee

¹² Emboɨru toro taɨrusu vae jugüɨgüe; jare nepoäka pe eipichɨ mɨmba oyeyuka oyeapɨ jese vae re guakarätiecha ñogüɨnoi vae re, jare jembɨregüe epɨyere mɨmba oyeyuka oyeapɨ jese vae iyɨpɨ re.

ÉXODO 29:12 ပူးပေါင်းရင်းမြစ်များ

ÉXODO 27:2

Jare irundɨ iekina ñavo re, toyapo reta chupe guakarätiecha vae, metei güiño toyeapo mɨmba oyeyuka oyeapɨ jese vae ndive jókuae guakarätiecha vae reta, jókuae mɨmba oyeyuka oyeapɨ jese vae toñova reta jiero iyu vae pe.

ÉXODO 29:11

Jare eyuka toro taɨrusu vae che peYa jóvai, tupao guakapi pegua jöke pe.

ÉXODO 30:2

Ipɨgüe togüɨnoi cuarenta y cinco centímetro päve irundɨ reve iyɨke jare noventa centímetro ɨvategüe, jare guakarätiecha vae reta toyeapo metei güiño mɨmba oyeyuka oyeapɨ jese vae ndive.

ÉXODO 38:2

Jare irundɨ ekina ñavo re oyapo chupe guakarätiecha vae, kuae reta metei güiño oyeapo mɨmba oyeyuka oyeapɨ jese vae ndive, jare oñova jiero iyu vae pe.

LEVÍTICO 16:14

Jaɨkue rupi toipɨɨ toro taɨrusu vae jugüɨgüe, jare toñapiramo ipoäka pe ñɨ̈ro renda iyɨke kuaraɨ oëa kotɨgua; jare toñapiramo ipoäka pe ñɨ̈ro renda kotɨ etei chiu ye jókuae tugüɨ pe.

LEVÍTICO 4:18

Jare jókuae tugüɨ toipichɨ mɨmba oyeyuka oyeapɨ jese vae re guakarätiecha ñogüɨnoi vae re cheróvai tupao guakapi pegua pe, jare jembɨregüe topɨyere mɨmba oyeyuka oyeapɨ jese vae iyɨpɨ re, mɨmba oyeyukagüe opaetei oyeapɨa re, tupao guakapi pegua jöke pe oï vae.

LEVÍTICO 4:25

Jare sacerdote tomopöe ipoäka jókuae mɨmba jugüɨgüe pe jare toipichɨ mɨmba oyeyuka oyeapɨ jese vae re guakarätiecha ñogüɨnoi vae re mɨmba oyeyukagüe opaetei oyeapɨa pe, jare jugüɨ jembɨregüe topɨyere iyɨpɨ re.

LEVÍTICO 4:30

Javoi sacerdote tomopöe ipoäka jugüɨgüe pe jare toipichɨ mɨmba oyeyuka oyeapɨ jese vae re guakarätiecha ñogüɨnoi vae re, mɨmba oyeyukagüe opaetei oyeapɨa pe, jare jugüɨ jembɨregüe topɨyere iyɨpɨ re.

LEVÍTICO 4:34

Jaɨkue rupi sacerdote tomopöe ipoäka jókuae mɨmba jugüɨgüe pe, jare toipichɨ mɨmba oyeyuka oyeapɨ jese vae re guakarätiecha ñogüɨnoi vae re, mɨmba oyeyukagüe opaetei oyeapɨa pe, jare jembɨregüe topɨyere iyɨpɨ re.

LEVÍTICO 4:7

Jare toipichɨ jókuae tugüɨ guakarätiecha ñogüɨnoi incienso ikäti kavi yae vae oyeapɨ jese vae re, tupao guakapi pegua pe cheróvai oï vae; jare jókuae toro taɨrusu vae jugüɨ jembɨregüe topɨyere mɨmba oyeyuka oyeapɨ jese vae iyɨpɨ re, mɨmba oyeyukagüe opaetei oyeapɨa re, tupao guakapi pegua jöke pe oï vae.

LEVÍTICO 5:9

jare jugüɨgüe pe toñapiramo mɨmba oyeyuka oyeapɨ jese vae iyɨke; jare jugüɨ jembɨregüe toitɨami mɨmba oyeyuka oyeapɨ jese vae iyɨpɨ re, echa cheɨ̈ro mbaeyoa re vaerä ko.

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

LEVÍTICO 9:9

Jare taɨ reta güeru chupe jókuae mɨmba jugüɨgüe; javoi jae omoäkɨ ipoäka tugüɨ pe, jare oñono mɨmba oyeyuka oyeapɨ jese vae re guakarätiecha ñogüɨnoi vae re, jare tugüɨ jembɨregüe opɨyere mɨmba oyeyuka oyeapɨ jese vae iyɨpɨ re.

Hebreos 10:4

echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.

Apocalipsis 6:9

Jare Vecha kuimbae taɨrusu vae oipea tembikuatía imboyaa pandepoa yave, aecha mɨmba oyeyukagüe oñemeea iyɨpɨ pe Tumpa iñee jeko pegua oyeyukauka vae reta jekove, jare omombeu Tumpa iñee ïru vae reta jeko pegua.