ÉXODO 28:41 - Biblia Guarani Tumpa Iñee

⁴¹ Kuae temimonde reta pe emboemimonde nderɨkeɨ Aarón jare taɨ reta; javoi epɨyere jese reta asaite jare eñono tee reta yogüɨreko vaerä chesacerdote retarä.

ÉXODO 28:41 ပူးပေါင်းရင်းမြစ်များ

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

ÉXODO 28:4

Toyapo reta kuae nunga temimonde reta: Pɨtía regua, temimonde iyɨvambae, ñeapevaka, temimonde oyekuatiagüe, äka-ɨru jare kuakuaa. Körai toyapo reta jókuae temimonde reta ikavi yae vae nderɨkeɨ Aarón peguarä jare taɨ reta peguarä, yogüɨreko vaerä chesacerdoterä.

ÉXODO 29:24

jare opaete eñono Aarón ipo pe jare taɨ reta ipo pe, jare erökuavee emee cheróvai mbota.

ÉXODO 29:35

Körai eyapo Aarón jare taɨ reta, opaete che royókuai rami; chiu ara eñono tee reta omboɨpɨ yave sacerdoterä oyeokuai.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

ÉXODO 29:9

eñono kuakuaa Aarón ikúa re jare taɨ reta ikúa re, jare eñono kavi jese reta äka-ɨru, jökorai yogüɨreko vaerä chesacerdoterä jekuae avei pegua. Körai eñono tee Aarón jare taɨ reta.

ÉXODO 30:35

kuae reta emboyea reyapo vaerä metei ikäti kavi vae incienso, mbae ikäti kavi vae iyapoa jembiapo rami, emboyea kavi eyapo kuae reta oyeambae jare ikɨambae.

ÉXODO 40:13

Jare Aarón pe emondeuka temimonde ikavi yae ete vae, javoi epɨyere jese asaite, reñono tee vaerä, oiko vaerä chesacerdoterä.

ÉXODO 40:15

epɨyere jese reta asaite, tu re repɨyere rami, jare toyogüɨreko chesacerdoterä. Jókuae asaite oyepɨyere jese reta vae rupi toyogüɨreko chesacerdoterä jekuae avei rupi.”

ISAÍAS 10:27

Jókuae ara oyeekɨta ndegüi ipoɨgüe oñono ndekupe re vae, jare yuvo oñono ndeatua re vae opëta. Jare jókuae yuvo opata oyemboai, echa nde ko cherembiparavo.”

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

EZEQUIEL 43:26

Chiu ara rupi toyapo reta cheɨ̈ro vaerä mbaeyoa re vae, mɨmba oyeyuka oyeapɨ jese vae regua, jare jökorai oñeñono teeta cheveguarä.

LEVÍTICO 10:7

Agüɨye peë tupao guakapi pegua ikësea güi, echa pemanota ko; echa peñeñono tee ma olivo iasaite yandeYa imbae rupi, peiko tee vaerä imbaerä. Jayave jae reta oyapo Moisés jei rami.

LEVÍTICO 16:24

Jare joko pe toyoe jete ɨ pe, jare jaɨkue rupi opa ma oyemonde yave toë, jare tomee mɨmba oyeyukagüe opaetei oyeapɨ vae, iyegua jare ïru mɨmba tëta pegua reta re; jökorai toyapo cheɨ̈ro vaerä iyoa re jare tëta iyoa re.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 3:3

Jae ko kuae Aarón taɨ reta jee, sacerdote oyeparavogüe reta, jae ko oñono tee oparavɨkɨ reta vaerä sacerdoterä.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

Hebreos 5:4

Jare mbaetɨ kia ipuere oyeparavo jaeiño, oiko vaerä sacerdote tenondegua eterä. Jaeño Tumpa oiparavo vae ipuere oiko sacerdote tenondegua eterä, Aarón oyeparavo vae rami.

Hebreos 7:28

Echa kuimbae reta mborookuai rupi oyeparavouka sacerdote tenondegua eterä vae iyoa vae reta ko. Ërei añave Tumpa oiparavo jee re ae Taɨ oiko vaerä sacerdote tenondegua eterä mborookuai jaɨkue rupi, jae ko iyoambae jekuae avei pegua vae.

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.