ÉXODO 28:4 - Biblia Guarani Tumpa Iñee

⁴ Toyapo reta kuae nunga temimonde reta: Pɨtía regua, temimonde iyɨvambae, ñeapevaka, temimonde oyekuatiagüe, äka-ɨru jare kuakuaa. Körai toyapo reta jókuae temimonde reta ikavi yae vae nderɨkeɨ Aarón peguarä jare taɨ reta peguarä, yogüɨreko vaerä chesacerdoterä.

ÉXODO 28:4 ပူးပေါင်းရင်းမြစ်များ

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

ÉXODO 25:7

ita ónice jee vae jare ita oyeapo kavigüe temimonde iyɨvambae reguarä, jare pɨtía regua re oñeñono vaerä.

ÉXODO 29:6

jare äka-ɨru eñono iñäka re, jare jókuae äka-ɨru re, jesɨva regua ñeñono tee pegua.

ÉXODO 39:28

Oyapo reta vi äka-ɨru lino oyeambae pegua, jare ïru äka-ɨru reta omopöra vae lino oyeambae pegua vi, jare temimonde igüɨ pegua reta lino oñepövagüe pegua.

ISAÍAS 11:5

Jare oyemondeta jupi vae pe, jare oyekuakuata añete vae pe.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

Efesios 6:14

Jáeramo peñemomɨ̈rata, peyeumbɨkua añetegüe pe, peyemonde mbaejupi pe, temimonde ñeraro pegua pe rami,

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

Apocalipsis 9:17

Jökorai aecha jókuae kavayu reta oyekuaa cheve vae jare opo jese vae reta, güɨnoi reta jete regua temimonde ñeraro pegua pɨ̈taasɨ vae, jovɨ vae jare iyu vae. Jare kavayu reta iñäka yaguapope reta iñäkaecha. Jare iyuru güi oë tata, tätati jare azufre.

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.

1 SAMUEL 22:18

Jayave mburuvicha guasu jei Doeg Edom pegua pe: —¡Nde eyuka kuae sacerdote reta! Jayave jae jókuae ara oyuka ochenta y cinco sacerdote.

1 SAMUEL 23:6

Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.

1 SAMUEL 30:7

Jare David jei sacerdote Abiatar, Ahimelec taɨ pe: —Eru cheve temimonde iyɨvambae vae sacerdote pegua. Jare Abiatar güɨraja chupe jókuae temimonde.