ÉXODO 28:33 - Biblia Guarani Tumpa Iñee

³³ Jare jembeɨ rupi toyapo reta temitɨ granada jee vae ia iägüe, vecharaagüe inimbo jovɨ vae, pɨ̈taü vae jare pɨ̈taasɨ vae pegua jare jókuae ipäu rupi toï kapana raɨ oro pegua;

ÉXODO 28:33 ပူးပေါင်းရင်းမြစ်များ

1 REYES 7:18

Oyapo vi mókoi ñesɨro temitɨ granada jee vae ia iä, jókuae oñeope vae jembeɨ rupi güɨroyere vaerä oñono, oñova vaerä okɨta iyapɨte regua reta. Jókuae mókoi okɨta iyapɨte reguarä.

2 REYES 25:17

Metei okɨta guasu ñavo güɨnoi juri metro ɨvategüe, jare iyapɨte re güɨnoi okɨta iyapɨte regua omopöra vae jiero iyu vae pegua, mókoi metro oasa yé ɨvategüe, jókuae okɨta iyapɨte regua omopöra vae oñeova oñeope jiero iyu vae pegua pe, jare oñemopöra granada iä pe; jökorai mókoi reve jókuae okɨta guasu reta.

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

ÉXODO 28:32

jare jókuae ñeapevaka temimonde iyɨvambae iarambogua togüɨnoi iñäkagua, jare toyemboyeapa kavi tombovɨvɨ reta jembeɨ rupi, agüɨye vaerä osoro.

ÉXODO 28:34

toï metei kapana raɨ oro pegua jare jaɨkue temitɨ granada jee vae ia iä, jökorai toñopäu päu toyere ñeapevaka jembeɨ rupi.

ZACARÍAS 14:20

Jókuae ara rupi kavayu iyayu regua kapana raɨ re ave oyekuatiata: “YandeYa pe oñeñono tee vae.” Jare yapepo reta yandeYa jo pegua mɨmba oyeyuka oyeapɨ jese vae pegua tasa guasu ramita.