ÉXODO 28:32 - Biblia Guarani Tumpa Iñee

³² jare jókuae ñeapevaka temimonde iyɨvambae iarambogua togüɨnoi iñäkagua, jare toyemboyeapa kavi tombovɨvɨ reta jembeɨ rupi, agüɨye vaerä osoro.

ÉXODO 28:32 ပူးပေါင်းရင်းမြစ်များ

2 CRÓNICAS 26:14

Uzías oyapouka opaete sundaro reta peguarä yeopiaka, mii, äka-ɨru jiero pegua, temimonde jiero pegua, güɨrapa jare tamamboka.

NEHEMÍAS 4:16

Jókuae ara güive cherupiegua kuimbae reta mbɨte rupi oparavɨkɨ jare ïru mbɨte ñogüɨnoi mii ndive, yeopiaka ndive, juvɨ ndive, jare temimonde ñeraro pegua ndive. Jare jae reta ndive ñogüɨnoi Judá pegua mburuvicha reta omoäta ngatu reta vaerä.

JOB 41:26

Kɨsepuku ave mbaetɨ mbae oyapo chupe, mii raɨ, uvɨ ani ïru mbae mbaetɨ mbae oyapo chupe.

ÉXODO 28:31

Toyapo reta ñeapevaka temimonde iyɨvambae iaramboguarä, vecharaagüe inimbo jovɨ katuai,

ÉXODO 28:33

Jare jembeɨ rupi toyapo reta temitɨ granada jee vae ia iägüe, vecharaagüe inimbo jovɨ vae, pɨ̈taü vae jare pɨ̈taasɨ vae pegua jare jókuae ipäu rupi toï kapana raɨ oro pegua;

ÉXODO 39:23

Jókuae ñeapevaka temimonde iyɨvambae iarambogua güɨnoi iñäkagua, oyemboyeapa kavi ombovɨvɨ reta jembeɨ rupi, agüɨye vaerä osoro.

ÉXODO 39:28

Oyapo reta vi äka-ɨru lino oyeambae pegua, jare ïru äka-ɨru reta omopöra vae lino oyeambae pegua vi, jare temimonde igüɨ pegua reta lino oñepövagüe pegua.