ÉXODO 28:12 - Biblia Guarani Tumpa Iñee

¹² Jare toñono reta temimonde iyɨvambae iïcha reta re, ita yemomaendúa pegua Israel taɨ reta re, jare Aarón togüɨraja Israel taɨ reta jee che peYa jóvai, jemimonde iïcha iyatiɨ regua re, yemomaendúa peguarä,

ÉXODO 28:12 ပူးပေါင်းရင်းမြစ်များ

JOB 31:36

Añete che ko avoɨta opaete kuae reta, jare tañono cheyé äka-regua rami.

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

ÉXODO 12:14

Jare kuae ara topɨta peve pemaendúa vaerä, jare peyapo arete tuicha yae vae che peYa peguarä, jare peñemuña reta toyapo vi jekuae avei.

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

ÉXODO 28:11

oikatu ita oikuatía vae pe, sello oyeapo rami eikuatiauka mókoi ita reta re Israel taɨ reta jee, jare jembeɨ rupi toñova reta oro pe.

ÉXODO 28:29

Jare Aarón togüɨraja pɨtía regua morojäa pegua re Israel taɨ reta jee yemomaendúa peguarä, oike yave o mbaemboete renda cheróvai jekuae avei rupi.

ÉXODO 28:7

jare iyatiɨ ñavo togüɨnoi iïcha, pɨpe toyemboya oyoe,

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

LEVÍTICO 24:7

Peñono vi mbɨyape mókoi atɨ vae re ikäti kavi vae incienso, oyeapɨ vaerä mbɨyape reta jekovia pe, mbota oyeapɨ cheve vae ko.

NÚMEROS 16:40

Israel iñemuña reta imaendúa avei jese vaerä, kërai mbaetɨta kia nunga vae, Aarón iñemuñambae vae ipuere oya güɨrökuavee vaerä ikäti kavi vae incienso yandeYa jóvai, agüɨye vaerä oasa Coré jare jupiegua reta rami; yandeYa omombeu tëi Moisés rupi chupe rami.

NÚMEROS 31:54

Jayave Moisés jare sacerdote Eleazar oipɨɨ chugüi reta ioro, jare güeru reta tupao guakapi pegua pe, oime vaerä yemomaendúa yandeYa jóvai Israel iñemuña reta re.

San Lucas 1:54

Omborɨ jembiokuai Israel, echa imaendúa kërai jei oipararekota ko.

San Lucas 1:72

oiparareko vaerä ñaneñemuñagüe reta, imaendúa morogüɨrökuavee päve ikɨambae oyapogüe re;

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

1 Corintios 11:24

jare Tumpa pe yasoropai omee jese güire, opɨ̈saa jare jei: “Peu. Kuae ko jae cherete peré omano vae. Peu kuae, pemaendúa reve cheré.”

DEUTERONOMIO 33:12

Benjamín iñemuña reta pe jei: “YandeYa oaɨu vae oiko pɨagüiveta iyɨpɨ pe; Tuicha yae ete vae oyangareko aveita jese. ¡Iporoangareko rupi oikota!”

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”