ÉXODO 26:36 - Biblia Guarani Tumpa Iñee

³⁶ Tupao guakapi pegua jökerä toyapo reta asoya vecharaagüe jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae reta jembiapo.

ÉXODO 26:36 ပူးပေါင်းရင်းမြစ်များ

2 SAMUEL 7:6

Añete, mbaetɨ aiko o pe, Egipto güi anoe Israel iñemuña reta güive; aiko o guakapi pegua peño.

SALMOS 78:60

Jáeramo, oeya tupao guakapi pegua Silo pe oï vae, küaraɨa guakapi pegua, pɨpe oikose kuimbae reta ipɨte pe vae.

ÉXODO 26:31

Toyapo reta vi o imboyaoa asoya, vecharaagüe jovɨ vae, pɨ̈taü vae, pɨ̈taasɨ vae jare lino oñepövagüe pegua; toyeapo jese mboki rupi kavi araɨgua reta iä.

ÉXODO 27:16

Jare toyeapo öke reguarä asoya chau metro pukugüe vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae jembiapo jare togüɨnoi irundɨ ɨvɨra jare irundɨ iguapɨka.

ÉXODO 28:15

Jökorai vi toyapo reta pɨtía regua morojäa pegua, ipoki ombaapo vae jembiapo; temimonde iyɨvambae oyeapo rami toyapo reta vi oro pegua, vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua,

ÉXODO 28:39

Toikuatía reta metei temimonde lino pegua jare toyapo reta metei äka-ɨru lino pegua jare toyapo reta vi metei kuakuaa ipoki ombaapo vae jembiapo.

ÉXODO 35:11

Tupao guakapi pegua, iküaraɨa, iküaraɨa iarambogua, itɨ̈ai reta, iɨvɨra ipe vae reta, iɨvɨra oyepɨasa vae reta, okɨta reta jare iguapɨka reta;

ÉXODO 35:15

ikäti kavi vae incienso oyeapɨ jese vae jare iɨvɨra reta, asaite yeparavo pegua jare incienso ikäti kavi yae vae, asoya tupao guakapi pegua jöke reguarä;

ÉXODO 36:37

Oyapo reta vi asoya tupao guakapi pegua jökerä vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe, ipoki ipo pe ombaapo vae reta jembiapo rami.

ÉXODO 38:18

Asoya oka jöke reguarä oyeapo vae, jae ko ipoki ombaapo vae jembiapo, vecharaagüe inimbo jovɨ vae pegua, pɨ̈taü vae, pɨ̈taasɨ vae jare lino oñepövagüe pegua, güɨnoi juri metro pukugüe jare mókoi metro veinticinco centímetro ɨvategüe, asoya reta oka re oyere vae rami.

ÉXODO 39:29

Jökorai vi kuakuaa lino oñepövagüe pegua, vecharaagüe inimbo jovɨ vae, pɨ̈taü vae jare pɨ̈taasɨ vae pegua, ipoki ombaapo vae jembiapo, yandeYa oyókuai Moisés vae rami.

ÉXODO 39:33

Javoi güeru reta Moisés pe, tupao guakapi peguarä vae, jare opaete mbaembae, tɨ̈ai reta, ɨvɨra oñeopa vae reta, ɨvɨra oyepɨasa vaerä vae reta, okɨta reta jare iguapɨka reta;

ÉXODO 40:5

ikäti kavi vae incienso oyeapɨ jese vaerä vae oro pegua, käjou yemomaendúa pegua re katu, jare eñono asoya tupao guakapi pegua jöke re.

EZEQUIEL 16:10

Romboemimonde temimonde ipöra vae, jare mbɨɨru mɨmba pire ikavi yae vae pegua pe, amee ndekuakuaarä lino pegua jare temimonde seda pegua;

NÚMEROS 3:25

Jae reta oparavɨkɨ ramboeve tupao guakapi pegua pe, toyangareko jese jare iyasoika re, jare jókuae jöke regua asoya re,

NÚMEROS 9:15

Jókuae ara tupao guakapi pegua omopüa reta yave, amapɨtu opa oñova. Kaaruasɨ güive omoembipe tupao guakapi pegua iárambo köe regua.

San Juan 10:9

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.