ÉXODO 26:33 - Biblia Guarani Tumpa Iñee

³³ Jare toñono reta asoya o imboyaoa jókuae tɨ̈ai reta re, jare jókuae japɨpe toñono reta, käjou yemomaendúa pegua jare jókuae asoya o imboyaoa, tomboyao oyougüi o yemboatɨa japɨpe oñeñono tee vae, oñeñono tee kavi yae vae güi.

ÉXODO 26:33 ပူးပေါင်းရင်းမြစ်များ

1 REYES 6:16

Oyapo vi tupao jugua pe o chau metro ipɨgüe vae, jare oñova ɨ̈vɨrare oñeopagüe pe ɨvate güive ɨ́vɨkotɨ, oyapo kavi yae, tupao japɨpe oñeñono tee kavi yae Tumpa peguarä vae.

1 REYES 8:10

Sacerdote reta ñogüɨnoe tupao japɨpe oñeñono tee vae güi yave, amapɨtu tɨnɨe yandeYa jo.

1 REYES 8:6

Jaɨkue rupi sacerdote reta güɨroike käjou morogüɨrökuavee päve pegua yandeYa imbae tupao japɨpe oñeñono tee kavi yae vae pe, jókuae araɨgua reta iä ipepo igüɨ pe,

2 CRÓNICAS 3:8

Jaeramiño vi oyapo tupao guasu japɨpe oñeñono tee kavi yae vae. Pukugüe güɨnoi chau metro oyovake tupao guasu ipɨgüe ndive, jare ipɨgüe güɨnoi chau metro. Jare oñova oro oyeambae pe, oiporu oro vae oupitɨ veinte mil kilo.

ÉXODO 25:16

Jare toñono reta käjou pe mborookuai reta, che ameeta ndeve vae.

ÉXODO 26:32

Jare toñono reta irundɨ okɨta ɨvɨra käti pegua oro pe oñeovagüe re; jókuae okɨta reta iyapɨte regua omopöra vae oro pegua vi, jare iguapɨka reta korepoti pegua.

ÉXODO 27:10

Veinte poste, jare veinte iguapɨka toyeapo jiero iyu vae pegua; poste itɨ̈ai jare iyapɨte regua korepoti pegua.

ÉXODO 27:21

Aarón jare taɨ reta toñogüɨnoi oyangareko vaerä jese, jendɨ vaerä cheróvai pɨ̈tu-ɨpɨ güive köe regua tupao guakapi pegua pe, käjou yemomaendúa pegua jóvai oï asoya vae güi ikatu pe. Kuae mborookuai toï jekuae avei pegua Israel iñemuña reta pe, jare jaɨkue rupigua reta pe.

ÉXODO 36:36

ombosagüɨu jese vaerä oyapo reta irundɨ okɨta ɨvɨra käti pegua, iyapɨte regua tɨ̈ai oro pegua jare irundɨ iguapɨka korepoti pegua.

ÉXODO 40:21

Javoi käjou güɨroike tupao guakapi pegua japɨpe, jare omoata asoya o imboyaoa jare omoia käjou yemomaendúa pegua, yandeYa oyókuai Moisés vae rami.

ÉXODO 40:3

jare eñono pɨpe käjou yemomaendúa pegua, jare omoia vaerä emoata asoya o imboyaoa.

EZEQUIEL 41:4

Ojäa vi jókuae cuarto ipɨgüe jare pukugüe opaete reve, güɨnoi payandepo metro päve. Jare jei cheve: “Jae ko kuae tupao japɨpe oñeñono tee kavi yae ete vae.”

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.