ÉXODO 25:8 - Biblia Guarani Tumpa Iñee

⁸ Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ÉXODO 25:8 ပူးပေါင်းရင်းမြစ်များ

1 REYES 6:13

jare aikota pɨpe Israel iñemuña reta ipɨte pe, mbaetɨta aeya tëta chembae Israel.”

1 CRÓNICAS 22:19

Jáeramo, peñemoäta ngatu peeka yandeYa Tumpa. Jayave peïndaivi pemopüa vaerä o mbaemboete pegua Tumpa yandeYa pe, yaroyakavo vaerä käjou morogüɨrökuavee päve pegua Tumpa imbae jare tembiporu reta oñeñono tee tupao pe Tumpa peguarä vae oñemopüata yandeYa peguarä.”

ÉXODO 15:17

Nde reroiketa reñono reta, ɨvɨ nde remee chupe reta vae pe, nde reikoa pe, nde reyapo kavía pe, cheYa, o mbaemboete renda nde reiparavoa pe, cheYa.

ÉXODO 15:2

Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

ÉXODO 29:45

Aikota Israel iñemuña reta ipɨte pe, aikota jae reta iTumparä.

ÉXODO 29:46

Jare oikuaa retata che ko jae peYa, jae reta iTumpa, ɨvɨ Egipto güi güɨnoe vae, aiko vaerä jae reta ipɨte pe. Che ko jae peYa Tumpa.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

EZEQUIEL 37:28

Jare ïru tëtaguasu reta oikuaata che peYa Tumpa ko añono tee Israel iñemuña reta vae, anoi ma yave chero mbaemboetea pegua jae reta ipɨte pe jekuae avei pegua.’ ”

EZEQUIEL 43:7

jare jei cheve: “Nde kuimbae, kuae ko jae cheguapɨka mborookuaía pegua jenda, chepɨ amombutuúa; kuae pe aikota Israel iñemuña reta ipɨte pe jekuae avei rupi. Ngaraa ye ma Israel iñemuña reta omongɨa cheree ikɨambae, jae reta jare juvicha guasu reta teko pɨ̈chɨi oyapo reta vae rupi, juvicha guasu reta omano yave ave ngaraa ma omopüa reta iägüe.

LEVÍTICO 10:4

Jare Moisés oenɨi Misael jare Elzafán, Uziel taɨ reta, Aarón itutɨ jare jei chupe reta: —Peike jare penoe perëtara reta o mbaemboetea güi, jare penoe teyupa güi ikatu pe.

LEVÍTICO 21:12

Agüɨye toë mbaemboetea güi, agüɨye tomongɨa Tumpa jo mbaemboetea; echa jese ko oyepɨyere olivo iasaite Tumpa imbae yeparavo pegua. Che ko peYa.

LEVÍTICO 26:11

Jare che aikota pepɨte pe, ngaraa pogüɨröɨro;

LEVÍTICO 4:6

jare tomoäkɨ ipoäka jókuae tugüɨ pe, jare toñapiramo pɨpe chiu ye cheróvai, asoya o mbaemboetea imboyaoa kotɨ.

ZACARÍAS 2:10

YandeYa jei: “Petairari jare peyerovia Sión pegua reta, echa ko ayu, jare aikota pepɨte pe.”

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

NÚMEROS 5:3

Kuimbae ani kuña pemombo teyupa güi ikatu pe, agüɨye vaerä omongɨa teyupa che aiko pɨpe jae reta ndive vae.”

Hechos 7:44

Ñaneñemuñagüe reta güɨreko tupao guakapi pegua yemomaendúa pegua ñuu rupi. Tumpa oechauka Moisés pe oyapo vaerä rami etei vae.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

JOSUÉ 22:31

Jayave Finees sacerdote Eleazar taɨ jei chupe reta: —Añave yaikuaa kavi ma yandeYa oï yande ndive vae, echa kuae peyapo vae mbaetɨ peyapo pepɨapochɨ yandeYa kotɨ jeko pegua. Jökorai añave orereroasayepe yandeYa iporonupa güi.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.