ÉXODO 25:40 - Biblia Guarani Tumpa Iñee

⁴⁰ emae kavi, reyapo vaerä ɨvɨtɨ re aechauka ndeve rami kavi.

ÉXODO 25:40 ပူးပေါင်းရင်းမြစ်များ

1 CRÓNICAS 28:11

Jayave David omee taɨ Salomón pe, tupao iä oñejäa kërai oyeapo vaerä vae regua, o oñemopüa vae jare oñeñovatu mbae pɨpe vae, o ɨvate vae pegua o raɨ reta, jare tupao rapɨpe ñɨ̈ro renda.

1 CRÓNICAS 28:19

David jei: “Jae kuae opaete yandeYa oechauka cheve mbaembae oyeapota vae iä reta, jae oikuaauka cheve këraita oyeapo opaete mbaravɨkɨ vae.”

2 CRÓNICAS 4:7

Oyapo vi payandepo mechero jenda oro pegua, kërai oyeapo vaerä rami, kuae reta oñono tupao guasu pe, pandepo iyakatu kotɨ jare ïru pandepo iyasu kotɨ.

ÉXODO 25:39

Toyeporu treinta y tres kilo oro oyeambae, oyeapo vaerä mechero renda jare opaete jembiporu reta;

ÉXODO 25:9

Toyapo reta tupao guakapi pegua jare tembiporu reta, che opaete aechauka iä ndeve rami kavi.

ÉXODO 26:30

Jare tomopüa reta tupao guakapi pegua, aechauka iä ɨvɨtɨ re ndeve rami etei.

ÉXODO 27:8

Oasavi toyapo reta jókuae mɨmba oyeyuka oyeapɨ jese vae, jare ɨvɨra pegua, ɨvɨtɨ re aechauka iä ndeve rami toyapo reta.

ÉXODO 31:11

asaite yeparavo pegua jare incienso ikäti kavi yae vae o mbaemboetea peguarä. Kuae kuimbae reta toyapo che royókuai rami etei.”

ÉXODO 36:2

Jare Moisés oenɨi Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oyandu ipɨa pe kɨ̈reɨ ngatu yogüeru oporomborɨ vaerä mbaravɨkɨ pe vae reta.

NÚMEROS 8:4

Jókuae mechero renda oyeapo oro pegua; iguapɨka güive iyapɨte pe, martillo pe oyeapo metei ramiño; yandeYa oechauka iä Moisés pe rami, jökorai oyapo.

Hechos 7:44

Ñaneñemuñagüe reta güɨreko tupao guakapi pegua yemomaendúa pegua ñuu rupi. Tumpa oechauka Moisés pe oyapo vaerä rami etei vae.

Hebreos 8:5

Ërei mbaravɨkɨ jae reta oyapo vae ko oyembojaanga ara pegua re. Echa ndei Moisés oyapouka Tumpa jo guakapi pegua mbove, Tumpa oechauka chupe kërai oyapouka vaerä. Jei chupe körai: “Emae kavi, reyapo vaerä ɨvɨtɨ re aechauka ndeve rami kavi.”

JOSUÉ 22:28

Echa ore royemongeta kia nunga vae jei yave oreve ani oreñemuña reta pe jei yave, orepuere roe chupe reta: “¡Mase! Ñaneñemuñagüe reta omopüa kuae mɨmba oyeyuka oyeapɨ jese vae iä yandeYa imbae rami vae, mbaetɨ ko omopüa reta mɨmba oyeyukagüe opaetei oyeapɨ jese vaerä, ani mɨmba oyeyukagüe oñemee jese vaerä, omopüa reta ko oime vaerä yemomaendúa peve jare oreve.”