ÉXODO 25:23 - Biblia Guarani Tumpa Iñee

²³ Toyapo reta vi metei mesa ɨvɨra käti pegua; ipukugüe togüɨnoi noventa centímetro, jare cuarenta y cinco centímetro ipɨgüe jare ɨvategüe sesenta y cinco centímetro.

ÉXODO 25:23 ပူးပေါင်းရင်းမြစ်များ

1 REYES 7:48

Salomón oyapouka vi opaete mbaembae yandeYa jo peguarä vae: Ikäti kavi vae incienso oyeapɨ jese vae oro pegua, mesa oro pegua mbɨyape reta mbaemboete pegua oñeñono jese vae;

1 REYES 7:49

oyapo vi mechero renda reta oro pegua mbaepotɨ reta iä reve, pandepo oï akatu kotɨ jare pandepo asu kotɨ, kuae reta oï tupao japɨpe oñeñono tee kavi yae vae jóvai, jare mechero reta, tenasa reta oro pegua,

1 CRÓNICAS 28:16

omee vi jeta oro jare korepoti oyapo vaerä mesa mbaemboete pegua, omee chupe jaekavi oupitɨ vaerä mesa ñavo oro pegua jare korepoti pegua, mbɨyape mbaemboete pegua oyemboyoarambo kavita oñeñono jese vae.

2 CRÓNICAS 4:19

Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

2 CRÓNICAS 4:8

Jaeramiño vi oyapo payandepo mesa jare oñono tupao guasu pe pandepo iyakatu kotɨ jare pandepo iyasu kotɨ. Oyapo vi cien tasa guasu oro pegua.

ÉXODO 31:8

mesa jare jembiporu reta, mechero renda oro oyeambae pegua jare opaete jembiporu reta, ikäti kavi vae incienso oyeapɨ jese vae,

ÉXODO 35:13

mesa jare iɨvɨra reta, jare opaete jembiporu reta jare mbɨyape mbaemboete pegua;

EZEQUIEL 41:22

Ikäti kavi vae incienso oyeapɨ jese vae ɨvɨra pegua, güɨnoi metro y medio ɨvategüe jare metei metro ipɨgüe. Güɨnoi ekina reta, jare iguapɨka jare iyɨke yɨke ɨvɨra pegua, jare jei cheve: “Jae ko kuae mesa yandeYa jóvai oï vae.”

LEVÍTICO 24:6

jare pemboyoarambo peñono mókoi atɨ mesa ikɨambae re cheróvai, metei atɨ ñavo toñogüɨnoi ova mbɨyape.

NÚMEROS 3:31

Jae reta ipo pe toï käjou, mesa, mechero renda, mɨmba oyeyuka oyeapɨ jese vae, ikäti kavi vae incienso oyeapɨ jese vae, jare opaete ïru tembiporu reta joko pe oyeporu vae jare asoya o imboyaoa jare opaete jesegua.

NÚMEROS 4:8

Jare kuaekuae iárambo toñono reta temimonderä vae vecharaagüe pegua pɨ̈taasɨ vae, jare toyasoi mɨmba pire ikavi yae vae pe; jare toñono reta jese iɨ reta.

Hebreos 9:2

Jókuae tupao guakapi pegua güɨnoi mókoi cuarto. Tenondegua cuarto jee Oñeñono tee vae, joko pe oï mechero jenda, mesa jare mbɨyape reta mbaemboete pegua.