ÉXODO 25:22 - Biblia Guarani Tumpa Iñee

²² Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

ÉXODO 25:22 ပူးပေါင်းရင်းမြစ်များ

GÉNESIS 18:33

YandeYa opa ma imiari Abraham ndive yave ojo joko güi; jare Abraham oyerova ye oikoa kotɨ.

2 SAMUEL 6:2

jare opa yogüɨraja reta Baala Judá pegua güi; güeru reta vaerä Tumpa ikäjou, echa jókuae käjou iárambo oñeenɨi yandeYa imbaepuere yae ete vae jee pe, joko pe jae oiko araɨgua reta iä ipäu pe.

2 REYES 19:15

Javoi oyerure yandeYa pe, jei körai: “CheYa, Israel iTumpa, araɨgua reta querubín iä ipäu pe reiko vae, ndeño ko jae opaete mborookuaía reta ɨvɨ pegua iTumpa, nde reyapo ara jare ɨvɨ.

1 CRÓNICAS 13:6

javoi, opaete vae yogüɨraja David ndive Quiriat-jearim pe, jae vi jee Baala, Judá pe oï vae, güɨroyakavo vaerä joko güi Tumpa ikäjou, jese jee oyemboete vae, araɨgua reta ipäu pe oiko vae.

SALMOS 80:1

Eyeapɨsaka Israel iñemuña reta iyangarekoa, nde reyangareko José re vecha re oyeangareko rami vae, nde reiko araɨgua querubín reta iä ipäu pe vae,

SALMOS 80:2

¡Emae kavi Efraín, Benjamín jare Manasés re! ¡Epa, javoi eyu orereroasayepe!

SALMOS 90:1

OreYa, nde reiko oreve oreñepɨ̈rokarä, jekuae kuae avei rupi.

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 27:21

Aarón jare taɨ reta toñogüɨnoi oyangareko vaerä jese, jendɨ vaerä cheróvai pɨ̈tu-ɨpɨ güive köe regua tupao guakapi pegua pe, käjou yemomaendúa pegua jóvai oï asoya vae güi ikatu pe. Kuae mborookuai toï jekuae avei pegua Israel iñemuña reta pe, jare jaɨkue rupigua reta pe.

ÉXODO 30:36

Jare kuae reta güi mbovɨ emonguiasɨ jare eñono käjou yemomaendúa pegua jóvai, tupao guakapi pegua pe, che ayeechaukata ndevea pe. Kuae toiko peveguarä oñeñono tee kavi yae vae,

ÉXODO 30:6

Toñono reta asoya o imboyaoa jenonde, käjou yemomaendúa pegua jóvai oï vae, ñɨ̈ro renda käjou yemomaendúa pegua iárambo jóvai oï vae jenonde, che añoväeta nde ndivea pe.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 31:6

Jare amee imborɨarä Aholiab, Ahisamac taɨ, Dan iñemuña pegua jare opaete yarakuaa vae reta pe amee kɨ̈reɨ ngatu oyapo reta vaerä che royókuai vae:

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

EZEQUIEL 43:6

Jare aendu tupao japɨpe kotɨ güi chemomiari vae; jare jókuae chereraja vae oyemboɨ oï cheɨpɨ pe,

LEVÍTICO 1:1

YandeYa oenɨi Moisés, jare jei chupe tupao guakapi pegua güi:

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

NÚMEROS 17:4

Jare eñono popoka reta tupao guakapi pegua pe, käjou jóvai, che ayekuaa pevea pe.

NÚMEROS 7:89

Moisés oike tupao guakapi pegua pe, imiari vaerä Tumpa ndive yave, oendu yandeYa iñee ñɨ̈ro renda iárambo güi, jókuae mókoi araɨgua querubín iä ipäu güi, jare imiari jae ndive.

JUECES 20:27

Jare Israel iñemuña reta oparandu yandeYa pe (echa käjou morogüɨrökuavee päve pegua oï joko pe jókuae ara,

1 SAMUEL 4:4

Jayave Israel iñemuña reta omondo güeru Silo güi, yandeYa imbaepuere yae vae ikäjou morogüɨrökuavee päve pegua, araɨgua reta iä ipäu pe oiko vae ikäjou. Jare mókoi reve Elí taɨ Ofni jare Finees yogüeru vi.