ÉXODO 25:18 - Biblia Guarani Tumpa Iñee

¹⁸ Toyapo reta vi mókoi araɨgua iä oro pegua, martillo pe oyeapo vae, toyapo reta ñɨ̈ro renda jembeɨ mbeɨ re.

ÉXODO 25:18 ပူးပေါင်းရင်းမြစ်များ

GÉNESIS 3:24

Jayave omombo joko güi kuimbae, jare oñono araɨgua reta Edén güi kuaraɨ oëa kotɨ jare metei kɨsepuku jendɨ vae jare oyembovava opaete rupi oguata vae, oyopia vaerä ɨvɨra tekove pegua jape.

1 CRÓNICAS 28:18

Omee vi jeta oro oyeambae, ikäti kavi vae incienso oyeapɨ jese vae peguarä, jaeramiño vi omee chupe oro oyeapo vaerä araɨgua reta iä jendarä, ipepo omoata vae pe omoia käjou morogüɨrökuavee päve pegua yandeYa imbae vae reta.

2 CRÓNICAS 3:10

Jare jókuae tupao guasu japɨpe oñeñono tee kavi yae vae pe oyapo mókoi araɨgua iä ɨvɨra pegua, kuae reta oñeova vi oro pe.

ÉXODO 25:17

Jare toyapo reta käjou itaparä oro oyeambae pegua, kuae ko jae ñɨ̈ro renda; togüɨnoi metei metro diez centímetro pukugüe, jare sesenta y cinco centímetro ipɨgüe.

ÉXODO 25:19

Metei araɨgua iä toyapo reta metei jembeɨ re, jare ïru araɨgua iä toyapo reta ïru jembeɨ re; ñɨ̈ro renda jare araɨgua iä reta toyeapo metei güiño.

ÉXODO 25:36

Mbaepotɨ iä reta jare iyɨva reta toyeapo metei güiño mechero renda ndive, opaete kuae reta toyeapo oro oyeambae pegua, martillo pe oyeapo vae.

EZEQUIEL 10:2

Jare YandeYa jei jókuae jemimonde tïiasɨ lino pegua vae pe: “Eike käretou iruera reta ipäu pe, araɨgua querubín reta igüɨ pe, jare eyara metei ndepoagua tätapɨi jendɨ vae, araɨgua querubín reta ipäu güi, javoi emoai tëta guasu iárambo.” Jare cherovakei oike jókuae kuimbae.

EZEQUIEL 10:20

Kuae reta etei ko aecha Israel iTumpa igüɨ pe, ɨ̈aka Quebar jee vae jembeɨ pe. Jayave aikuaa mbae reta ko vae.

EZEQUIEL 10:3

Kuae kuimbae oike yave, araɨgua querubín reta ñogüɨnoi arayevɨ kotɨ tupao güi; jare amapɨtu tɨnɨe tupao joka japɨpegua.

Hebreos 9:5

Jare jókuae käjou oro katuai vae iárambo ñogüɨnoi mókoi araɨgua reta querubín iä, oñova reta güɨnoi ipepo pe ñɨ̈ro renda. Kuae reta re mbaetɨ chepuere amombeu kavi peve añave.

1 SAMUEL 4:4

Jayave Israel iñemuña reta omondo güeru Silo güi, yandeYa imbaepuere yae vae ikäjou morogüɨrökuavee päve pegua, araɨgua reta iä ipäu pe oiko vae ikäjou. Jare mókoi reve Elí taɨ Ofni jare Finees yogüeru vi.