ÉXODO 24:1 - Biblia Guarani Tumpa Iñee

¹ YandeYa jei Moisés pe: —Peyeupi che aïa pe, nde jare Aarón, Nadab, Abiú jare setenta Israel iñemuña itenondegua reta; jare chemboete mombɨrɨ güiño.

ÉXODO 24:1 ပူးပေါင်းရင်းမြစ်များ

1 CRÓNICAS 6:3

Amram taɨ reta jae: Aarón, Moisés jare María. Aarón taɨ reta jae: Nadab, Abiú, Eleazar jare Itamar.

ÉXODO 1:5

Opaete Jacob iñemuña reta oa chupe vae jae ko setenta. Ërei José oime ma oï Egipto pe.

ÉXODO 19:20

YandeYa ogüeyɨ ɨvɨtɨ Sinaí iyapɨte re; jare yandeYa oenɨi Moisés jókuae ɨvɨtɨ iyapɨte kotɨ. Jare Moisés oyeupi.

ÉXODO 19:24

Ërei yandeYa jei chupe: —Egüeyɨ ekua, jare eyeupi ye eyu Aarón ndive; ërei sacerdote reta jare Israel iñemuña reta agüɨye toasa oyembojaanga oï vae, oyeupi reta vaerä che aïa pe; agüɨye vaerä maratu ayapo reta.

ÉXODO 19:9

jayave yandeYa jei Moisés pe: —Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei. Jayave Moisés omombeu yandeYa pe opaete vae iñee,

ÉXODO 20:21

Jayave Israel iñemuña reta omae ñogüɨnoi mombɨrɨ güiño, jayave Moisés oya amapɨtu pɨtumimbi oï vae re, echa joko pe Tumpa oï.

ÉXODO 24:15

Jayave Moisés oyeupi ojo ɨvɨtɨ re, jare amapɨtu opa oyasoi ɨvɨtɨ.

ÉXODO 24:2

Ërei ndeño eya cheré; jare opaete Israel iñemuña reta agüɨye toya, agüɨye toyeupi nde ndive.

ÉXODO 24:9

Jare oyeupi Moisés, Aarón, Nadab, Abiú jare setenta Israel iñemuña itenondegua reta;

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

ÉXODO 3:5

Jare jei chupe: —Agüɨye eya kuae kotɨ; eekɨ ndepɨapaa ndepɨ güi, echa kuae ɨvɨ reï pɨpe vae, ɨvɨ oñeñono tee vae ko.

ÉXODO 34:2

Eyupavo, pɨareve ndeimbove reyeupi vaerä ɨvɨtɨ Sinaí re, jare ekua eñeñono cheróvai ɨvɨtɨ iyapɨte re.

ÉXODO 6:23

Aarón güɨreko Elisabet, Aminadab tayɨ, Naasón jeindɨ; kuae imembɨ chupe jare ombojee: Nadab, Abiú, Eleazar jare Itamar.

EZEQUIEL 8:11

Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.

NÚMEROS 11:16

Jayave yandeYa jei Moisés pe: —Emboatɨ cheve setenta kuimbae, Israel iñemuña reta itenondegua, nde reikuaa tenondegua reta ko tëta pe vae, mburuvicha reta; jare eru reta tupao guakapi pegua jöke pe, tacheräro reta joko pe nde ndive.

San Lucas 10:1

Kuae jaɨkue rupi yandeYa oiparavo ïru setenta kuimbae reta jare omondo jenonde mókoi mókoi rupi opaete tëta guasu reta jae ojotaa rupi.

San Lucas 10:17

Jare jókuae setenta vae reta oyerovia reve oyerova reta ye yave, jei reta Jesús pe: —OreYa, nderee re, aña reta re ave rogüɨnoi mbaepuere.

DEUTERONOMIO 1:15

Jayave aipɨɨ ñemuña ñavo güi kuimbae yarakuaa katu vae, jare jäta ngatu vae, añono petenondeguarä, amogüe mil vae re, ïru cien vae re, cincuenta vae re jare payandepo vae re, jare amogüe reta ñemuña ñavo re.