ÉXODO 23:33 - Biblia Guarani Tumpa Iñee

³³ agüɨye peɨvɨ pe ave toyogüɨreko, agüɨye vaerä oyavɨuka peve chekotɨ, jare peyeokuai itumpa reta pe, echa pererokomeguata ko.”

ÉXODO 23:33 ပူးပေါင်းရင်းမြစ်များ

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

SALMOS 106:36

Omboete reta jókuae tëta reta itumpa-raanga reta, jókuae jeko pegua oñererokomegua reta,

ÉXODO 10:7

Jayave Faraón jembiokuai reta jei: —¿Kërai yave pa ikueraita yandembosusere kuae kuimbae? Emaeño mo toyogüɨraja kuae kuimbae reta omboete vaerä iYa Tumpa. ¿Mbaetɨ pa reikuaa Egipto opa ma ko oyemboai oï vae?

ÉXODO 23:24

Agüɨye petindɨ jae reta itumpa jóvai, agüɨye peyeokuai chupe reta, agüɨye ave peyapo jae reta oyapo rami, opa pemboai chugüi reta, opaetei peyoka chugüi reta mbae iä oyapogüe.

ÉXODO 34:12

Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

DEUTERONOMIO 12:30

peyeandu agüɨye vaerä pemomoe jókuae tëtaguasu reta jeko, ani peyemboya itumpa reta re pemboete vaerä pere reve: Kuae reta omboete vae tamboete vi.

DEUTERONOMIO 20:18

agüɨye vaerä pemboe peyapo mbae pɨ̈chɨi vae jae reta oyapo itumpa-raanga pe rami, jökorai agüɨye vaerä peyoa yandeYa Tumpa kotɨ.

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

2 Timoteo 2:26

jare ojoyepe vaerä aña guasu iñuai güi. Echa pɨpe ñogüɨnoi oyapo reta vaerä aña guasu jemimbota.

JOSUÉ 10:40

Jökorai Josué opɨ̈ro opaete ɨvɨ. Omoamɨri mburuvicha guasu reta ɨvɨtɨ guasu reta rupi oñemoëta vae, Neguev pegua reta, ɨvɨpe kavi rupi jëta vae reta, ɨvɨtɨ ikúa rupi jëta vae reta jare opaete juvicha guasu reta, oeyambae reve metei ave; opaetei oyuka, yandeYa Israel iTumpa oyókuai rami.

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

JUECES 2:2

pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ Ërei pe reta mbaetɨ peyapo che jae vae, ¿maera pa ko kuae peyapo?

JUECES 2:3

Jáeramo añave jae peve: Ngaraa opa anoe amombo pepɨte güi kuae tëta, jae reta jare itumpa reta yogüɨrekota peve chikote rami jare ñuai rami.”

1 SAMUEL 18:21

Jare Saúl oyemongeta jei: “Tamee cherayɨ chupe, jae toitɨuka filisteo reta ipo pe.” Jayave jei ye David pe mokoía ma: —Añave reikota cherovayarä.