ÉXODO 23:31 - Biblia Guarani Tumpa Iñee

³¹ Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

ÉXODO 23:31 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

1 REYES 11:2

tëta ambuae pegua reta, yandeYa oyopia Israel iñemuña reta agüɨye vaerä omenda jae reta ndive vae, echa güɨrokomeguata ko ipɨa reta itumpa reta kotɨ. Ërei kuae reta re Salomón iporopota jare güɨreko.

1 REYES 20:13

Jökorai yave metei Tumpa iñeemombeúa ou Acab mburuvicha guasu Israel pegua pɨri, jare jei chupe: —Körai jei yandeYa: “Yepe tëi reecha jókuae tovaicho jeta yae vae, ërei añave che ameeta ndepo pe, reikuaa vaerä che ko jae ndeYa.”

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

1 REYES 8:65

Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.

2 CRÓNICAS 9:26

Jare güɨnoi mbaepuere opaete mburuvicha guasu reta re Éufrates güive filisteo reta iɨvɨ kotɨ jare ɨvɨ Egipto jembeɨ pe.

SALMOS 72:8

¡Togüɨnoi mbaepuere ɨguasu güive ïru ɨguasu kotɨ, jare ɨ̈aka Éufrates güive ketɨ ɨvɨ iyapɨ kotɨ!

NÚMEROS 21:34

Jayave yandeYa jei Moisés pe: “Agüɨye ekɨɨye chugüi, echa amee ma ko ndepo pe, jae jare opaete isundaro reta, jare iɨvɨ; jare eyapo chupe, Sehón amorreo reta juvicha guasu pe reyapo rami, tëta Hesbón pe oikose vae.”

NÚMEROS 34:2

“Eyókuai Israel iñemuña reta körai: Peike ma ɨvɨ Canaán pe yave, jókuae ɨvɨ jae ko pembaerä, köraita jókuae ɨvɨ jembeɨ:

DEUTERONOMIO 1:7

Peyupavo jare pekua amorreo reta iɨvɨ ɨvɨtɨ katuai vae rupi, jare opaete iyɨ́vɨri rupigua ɨvɨ rupi: Arabá pegua ɨvɨtɨ katuai vae rupi, ñuu rupi, jare Neguev rupi, Ɨguasu Mediterráneo jembeɨ rupi, cananeo reta iɨvɨ pe jare Líbano, ɨ̈aka guasu Éufrates kotɨ peväe regua.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 11:24

Opaete ɨvɨ pepɨ̈rota jese vae pembaerä ko. Ñuu güive ojoi oväe Líbano pe, ɨ̈aka Éufrates güive ojoi oväe Ɨguasu Mediterráneo kotɨ oï vae pe, ɨvɨ pembaerä ko.

DEUTERONOMIO 2:33

ërei yandeYa Tumpa omee yandepo pe jare ñamoamɨri jae jare taɨ reta jare isundaro reta.

DEUTERONOMIO 2:36

Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.

DEUTERONOMIO 20:16

Ërei tëta guasu reta yandeYa Tumpa omee peve pembaerä vae pe mbaetɨ eteita peeya kia jekove ndive,

DEUTERONOMIO 3:2

Jayave yandeYa jei cheve: ‘Agüɨye ekɨɨye chugüi, echa amee ko ndepo pe, jae jare opaete isundaro reta iɨvɨ ndive, jare reyapota jae ndive Sehón amorreo reta juvicha guasu Hesbón pe oiko vae pe reyapo rami.’

DEUTERONOMIO 6:19

jae omoë vaerä omombo perovaicho reta perenonde güi, yandeYa jei rami.

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

JOSUÉ 1:4

Kuae ñuu jare Líbano güive ïaka guasu Éufrates jee vae pe, opaete Het iñemuña reta iɨvɨ güive, ojoita oya Iguasu Mediterráneo re kuaraɨ oikea kotɨ, peɨvɨrä ko.

JOSUÉ 10:19

Jare pe reta agüɨye pepɨta joko pe, peaɨkuemoña perovaicho reta, peyuka taɨkue yogüɨraja vae reta. Agüɨye pemaeño toike reta jëta guasu reta pe, echa yandeYa Tumpa omee pepo pe.”

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”

JOSUÉ 13:6

Opaete ɨvɨtɨ guasu rupi jëta vae reta, Líbano güive Misrefot-maim kotɨ, opaete Sidón pegua reta; che amboaita Israel iñemuña reta jenonde güi, jaeño nde emboyao ɨvɨ suerte rupi Israel iñemuña reta imbaerä, che royókuai rami.

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 21:44

Jare yandeYa omee yogüɨreko pɨagüive vaerä jókuae ɨvɨ pe, jae oñererökuavee jee re ae Israel iñemuñagüe reta pe rami; jare opaete jovaicho reta güi mbaetɨ metei ave ipuere oñeraro jae reta ndive, echa yandeYa omee jae reta ipo pe opaete jovaicho reta.

JOSUÉ 23:14

Mase, che amanota ma ko; añave, pemaendúa kavi opaete pepɨa ndive jare opaete perekove ndive, kërai mbaetɨ oata metei ave ñee kavi yandeYa Tumpa jei pekotɨ vae; opaete oyembopo peve, mbaetɨ oata metei ave.

JOSUÉ 24:11

Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JOSUÉ 24:12

Jare mókoi mburuvicha guasu reta, amorreo reta juvicha guasu mbaetɨ pe reta pemoamɨri kɨsepuku pe ani uvɨ pe, echa che ambou kɨɨye yavaetegüe perenonde, jae reta opa vaerä otekuarai pegüi ndei peväe joko pe mbove.

JOSUÉ 24:18

YandeYa ko güɨnoe omombo orerenonde güi opaete tëta reta, jare amorreo reta kuae ɨvɨ pe yogüɨreko vae. Ore royeokuaita vi yandeYa pe, echa jae ko oreTumpa.

JOSUÉ 24:8

jare che pogüeru amorreo reta iɨvɨ pe, ɨ̈aka Jordán güi kuaraɨ oëa kotɨ. Jae reta oñeraro pe ndive, ërei che amee pepo pe, che amokañɨtei perenonde jare peyemombae jókuae ɨvɨ re.

JOSUÉ 8:18

Jayave yandeYa jei Josué pe: “Eropövee mii renoi ndepo pe vae Hai kotɨ, echa che ameeta ndeve jókuae tëta.” Jare Josué güɨropövee tëta kotɨ mii güɨnoi ipo pe vae.

JOSUÉ 8:7

Jayave pe reta peëta peñemi kavi pekätɨro peïa güi peike pepɨ̈ro tëta, echa yandeYa Tumpa omeeta peve.

JOSUÉ 9:7

Jare Israel iñemuña reta jei heveo reta pe: —Güɨramoi pe reta köiño peiko oregüi; ¿këraita pa royapo ñemoïru pe ndive?

JUECES 1:4

Judá iñemuña reta yogüɨraja jare yandeYa omee opa vaerä omoamɨri cananeo reta jare ferezeo reta. Jare Bezec pe diez mil opa oyuka reta, kuae reta ipɨte pe oï Adoni-bezec.

JUECES 11:21

Ërei oreYa Israel iTumpa omee Sehón jare opaete vae, Israel iñemuña reta ipo pe, jare oporomoamɨri Israel iñemuña reta, jökorai oyemombae opaete jókuae ɨvɨ re amorreo reta yogüɨreko pɨpe vae re;

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.