ÉXODO 23:27 - Biblia Guarani Tumpa Iñee

²⁷ Che amondota perenonde kɨɨye; amongɨɨyeta pegüi opaete tëta peikea rupi, ambotekuaraita opaete perovaicho reta perenonde güi.

ÉXODO 23:27 ပူးပေါင်းရင်းမြစ်များ

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

2 SAMUEL 22:41

Rembotekuarai cherovaicho reta chegüi, amokañɨtei vaerä chemotareɨ vae reta.

2 REYES 7:6

Echa yandeYa yepe oyapo Siriaɨgua reta jeyupa pe oyeendu vaerä käretou reta oguata vaeecha, oyeendu kavayu regua reta yogüeru vaeecha, jare jeta sundaro reta yogüeru vaecha oyeendu; jare Siriaɨgua reta oyemongeta mburuvicha guasu Israel pegua omboepɨ Het iñemuña reta juvicha guasu pe, jare Egiptoɨgua reta juvicha guasu pe oporepeña vaerä jese reta.

2 CRÓNICAS 14:14

Opüa reta vi opaete tëta guasu reta Gerar iyɨ́vɨri ñogüɨnoi vae re, echa yandeYa ombou kɨɨye guasu jese reta, jare omaepɨ̈ro opaete tëta guasu reta rupi, echa jeta yae imbaembae reta joko pe.

SALMOS 18:40

Rembotekuarai cherovaicho reta chegüi, amokañɨtei vaerä chemotareɨ vae reta.

SALMOS 21:12

Nde rembotekuarai retata, nderuvɨ rejäata ikotɨ reta.

ÉXODO 33:2

Che amondota nderenonde araɨgua, jare amoëta amombo jókuae iɨvɨ güi cananeo reta, amorreo reta, heteo reta, ferezeo reta, heveo reta jare jebuseo reta.

ÉXODO 34:24

Echa che amoëta amombo tëtaguasu reta pepɨte güi, jare ambotuichata peɨvɨ; jare ngaraa metei ave opɨ̈ro peɨvɨ, peo yave peñeñono peYa Tumpa jóvai mboapɨ ye año pe.

NÚMEROS 22:3

Jare tëta Moab pegua reta okɨɨye yae ete Israel iñemuña reta güi, echa jeta yae reta ko; jare ipɨatɨtɨ tëta Moab pegua reta, Israel iñemuña reta jeko pegua.

DEUTERONOMIO 11:23

yandeYa omoëta vi omombo perenonde güi opaete tëtaguasu reta, jare pe pepɨ̈rota tëtaguasu reta tuicha yae jare imbaepuere yae pegüi vae.

DEUTERONOMIO 11:25

Ngaraa etei kia ipuere peré, yandeYa Tumpa oñonota kɨɨye jare orɨrɨi vaerä pegüi opaete ɨvɨ rupi peoa rupi, jae jei peve rami.

DEUTERONOMIO 2:25

Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’

DEUTERONOMIO 6:19

jae omoë vaerä omombo perovaicho reta perenonde güi, yandeYa jei rami.

DEUTERONOMIO 7:23

Ërei yandeYa Tumpa omeeta pepo pe kuae tëta guasu reta jare jae imbaepuere pe omokañɨteita, opa okañɨtei regua.

1 SAMUEL 14:15

Jare opaete teyupa pegua reta jare ikatu pe teyupa güi ñogüɨnoi vae reta okɨɨye rai yae. Jaeramiño vi sundaro reta teyupa pegua jare ñeraro regua reta okɨɨye yae reta vi, ɨvɨ okana, jare okɨɨye yae reta.