ÉXODO 23:25 - Biblia Guarani Tumpa Iñee

²⁵ PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

ÉXODO 23:25 ပူးပေါင်းရင်းမြစ်များ

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ECLESIASTÉS 5:20

Echa Tumpa omboyekou ramboeve opaete mbaembae rupi jeko pegua, jókuae kuimbae mbaetɨ oyemoambeko jekove re.

ISAÍAS 33:16

jókuae nunga ko oiko pɨagüive aveita, iñepɨ̈roka ɨ̈vavira katuai vae ramita, ngaraa oata chupe tembíu jare ɨ.

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

DANIEL 1:15

Jare payandepo araa pe, oyekuaa kuae kunumi reta jova ikavi yae jare oikove katu yae ïru kunumi reta okaru mburuvicha guasu jembíu güi vae reta güi.

LEVÍTICO 11:44

Echa che ko jae peYa Tumpa; jáeramo peñeñono tee jare peiko tee mbaeyoa güi, echa che ko iyoambae. Jáeramo agüɨye peyemongɨa kuae mɨmba reta ipɨtía re oguata vae rupi.

LEVÍTICO 26:3

Peiko yave jare peñovatu pepɨa pe yave, jare peyapo yave cheporookuai reta,

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 7:15

YandeYa ombosɨrɨta pegüi opaete mbaerasɨ reta; jare opaete mbae ikavimbae yae vae reta; pe peikuaa Egipto pe vae ngaraa ombou peré, ërei oitɨta opaete pemotareɨ vae reta re.

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 24:21

Jayave opaete vae jei Josué pe: —Mbaetɨ ko jökorai. Ore royeokuaita ko yandeYa peño.

JOSUÉ 24:24

Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.

1 SAMUEL 12:20

Jare Samuel jei chupe reta: —Agüɨye pekɨɨye. Peyapo ko opaete ikavimbae, ërei agüɨye peyerova yandeYa güi, peyeokuai chupe opaete pepɨa ndive.

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”