ÉXODO 23:2 - Biblia Guarani Tumpa Iñee

² Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ÉXODO 23:2 ပူးပေါင်းရင်းမြစ်များ

GÉNESIS 19:4

Ërei ndei kuimbae reta oyapakua mbove, tëta Sodoma pegua kuimbae reta oñova o, taɨrusuasɨ vae reta güive opaete ndechi reta.

GÉNESIS 6:12

Tumpa omae ɨvɨ pegua reta re, jare oecha opaetei oikomegua ɨvɨ pe, echa opaete vae reta jeko kavi opa oikomegua.

GÉNESIS 7:1

Jaɨkue rupi yandeYa jei Noé pe: “Eike nde jare opaete ndero pegua reta ndive arca pe. Echa aecha ndeño jupi reguata cheróvai opaete vae reta güi.

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

JOB 31:34

Echa akɨɨye jeta vae reta güi, jare chemongɨɨye chero pegua reta chereröɨro vae chekïrii, jare mbaetɨ aë chero güi.

SALMOS 72:2

oporookuai vaerä tëta ndembae vae re jupi rupi, jare oiporara vae reta re isɨmbi rupi,

PROVERBIOS 1:15

¡Cheraɨ, agüɨye emomoe jae reta jape! Eyembosɨrɨ jae reta jeko kavimbae güi,

PROVERBIOS 18:5

Mbaetɨ ko ikavi oporojäa vae reta oepɨ jupimbae, omboeko vaerä jupi vae.

PROVERBIOS 4:14

Agüɨye emomoe iyoa vae reta jeko, agüɨye vi emomoe jeko kavimbae vae reta jeko.

JEREMÍAS 37:15

Jare mburuvicha reta iyarasɨ Jeremías kotɨ, oinupauka jare oñonouka tembipɨɨrɨru oï ombaekuatía vae Jonatán jëta pe vae pe, echa jókuae yepe oipoepɨ reta tembipɨɨrɨrurä.

JEREMÍAS 37:21

Jayave mburuvicha guasu Sedequías oporookuai Jeremías opɨta vaerä tembipɨɨ tembipɨɨrɨru joka pe, jare ara ñavo oyereraja vaerä chupe metei mbɨyape, kaye pe mbɨyape imeea reta güi. Mbaetɨ ma mbɨyape tëta guasu pe regua. Jökorai, Jeremías opɨta tembipɨɨrɨru joka pe.

JEREMÍAS 38:9

—Cheruvicha guasu, kuae kuimbae reta oyapo ikavimbae ñeemombeúa Jeremías pe, ombogüeyɨ reta kuae ɨrɨru pe vae; echa yɨmbɨaɨ joko pe oyukata ko, echa mbaetɨ yé ma tëta guasu pe mbɨyape.

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

HAGEO 1:4

Ërei, ¿peve reta pa oväe ma ara peiko vaerä o ikavigüe rupi, chero oyemboai oï ramboeve?

San Marcos 15:15

Jayave Pilato oyorauka chupe reta Barrabás, oipota ombopɨakatu reta ramo. Jare Pilato oinupauka güire Jesús chikote pe, omboeterenga oyekutuuka vaerä kurusu re.

San Lucas 23:51

(Jae oipotaä tëi ïru mburuvicha reta oyapo vaerä ikavimbae vae Jesús pe.) Jae oäro vi oiko Tumpa iporookuaía.

Hechos 24:27

Ërei mókoi año ma oasa yave, Porcio Festo ou Félix jekovia pe. Jare Félix oipota omboyerovia judío reta ramo, oeya Pablo tembipɨɨrɨru pe.

Hechos 25:9

Ërei Festo oipota omboyerovia judío reta ramo, oparandu Pablo pe: —¿Reipota pa reo Jerusalén pe, rojäa vaerä joko pe kuae teko reta re?

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

DEUTERONOMIO 1:17

Oporojäa vaerä oporoparavombae reve; oyeapɨsakata paravete vae re jare oikokatu vae re, mbaetɨ eteita kia güi okɨɨye, echa Tumpa etei ko oporojäa. Jare yavai yae teko yave peruta cheve, che ayapo vaerä.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,

1 SAMUEL 15:9

Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.