ÉXODO 22:28 - Biblia Guarani Tumpa Iñee

²⁸ Agüɨye pere mbae jasɨ katu vae oporojäa vae reta kotɨ, agüɨye ave vi pere ñee ikavimbae perëta ruvicha reta kotɨ.

ÉXODO 22:28 ပူးပေါင်းရင်းမြစ်များ

2 SAMUEL 16:5

Jare mburuvicha guasu David ojo oväe tëta Bahurim pe yave, oë joko güi oövaiti metei kuimbae Saúl jëtara vae jei reve ñee jasɨ katu vae ikotɨ; jókuae kuimbae jee Simei, Gera taɨ

2 SAMUEL 16:9

Jayave Abisai, Sarvia imembɨraɨe jei mburuvicha guasu pe: —¿Maera pa kuae yaɨmba rëogüe pochɨ jei ñee jasɨ katu vae ndekotɨ? ¡Emaeño taja iñäka tayasɨa!

2 SAMUEL 19:21

Jayave Abisai, Sarvia imembɨraɨe jei: —¿Mbaetɨta pa omano Simei, iñee jasɨ katu mburuvicha guasu yandeYa jembiparavo kotɨ vae?

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

SALMOS 138:1

CheYa, romboeteta opaete chepɨa ndive, tumpa-raanga reta güi atairarita ndeveño salmo reta pe.

SALMOS 32:6

Jáeramo oyerureta ndeve opaete oñeñono tee ndeveguarä vae reta, reñeväe ramboeve; añetete, ɨporu oime yave, ngaraa ojo oväe chupe reta.

ÉXODO 13:12

peñono tee opaete peraɨrɨpɨ reta, jökorai vi opaete perɨmba reta imembɨrɨpɨ kuimbae reta; echa yandeYa imbae ko.

ÉXODO 13:2

“Peñono tee cheve opaete membɨrɨpɨ kuimbae, echa opaete Israel iñemuña reta taɨrɨpɨ chembae ko, jökorai vi opaete mɨmba reta imembɨrɨpɨ kuimbae.”

ÉXODO 21:17

Jaeramiño vi tu jare ichɨ kotɨ jei ñee kavimbae vae, tomano.

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

ÉXODO 23:19

Pembaagüɨyerɨpɨ ikavigüe peru che peYa Tumpa jo pe. Agüɨye kavara raɨ isoogüe pemboyɨ ichɨ ineche pe.

ECLESIASTÉS 10:20

Ndepɨa pe ave agüɨye mbae ere mburuvicha guasu kotɨ. Agüɨye mbae ere oikokatu vae kotɨ, nde aeño reï ndero pe yave ave, echa güɨra reta ipuere ko yogüɨraja omombeu chupe.

LEVÍTICO 24:11

Jare kuae kuña Israel iñemuña pegua imembɨraɨe oyangao Tumpa; jare güɨraja reta Moisés jóvai. Ichɨ ko jee Selomit, Dibri tayɨ, jae ko Dan iñemuña pegua;

LEVÍTICO 24:15

Jare nemiari Israel iñemuña reta pe, körai: Oipotagüe jei yave ñee ikavimbae iTumpa kotɨ, toiporara jeko re.

LEVÍTICO 24:16

Kia nunga vae cheangao yave, tomano; opaete yatɨ vae reta toyapi ita pe toyuka; ketɨgua reta ani pegüi reta, oyangao yave Tumpa, tomano.

Hechos 23:3

Jayave Pablo jei chupe: —Tumpa tokua nderé. Echa nde ko oguambɨ oñemotïigüe ramiño. Nde reguapɨ ko reï chejäa vaerä mborookuai jei vae rupi. Ërei reyavɨ mborookuai, rekuauka cheré vae rupi.

Hechos 23:5

Jayave Pablo jei: —Tëtara reta, mbaetɨ aikuaa jae ko sacerdote tenondegua ete vae. Echa oyekuatía oï: “Agüɨye ere mbae ikavimbae vae nderuvicha kotɨ.”

1 Pedro 2:17

Pemboete opaete vae. Peaɨu oporogüɨrovia vae reta. Peipoɨu Tumpa güi. Pemboete mburuvicha guasu.

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

Judas 1:8

Jaeramiño vi mboromboe añetembae re oporomboe vae reta oñemona etei ma ko jókuae nunga pe, güɨröɨro reta yandeYa imbaepuere, mbaetɨ oipoɨu reta jei vaerä ikavimbae vae Tumpa iaraɨgua reta kotɨ.

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:6

Jare jei jupiegua reta pe: —¡YandeYa tacheövatu agüɨye vaerä ayapo mbae ikavimbae vae cheya pe! Jae ko mburuvicha guasu, ¡yandeYa oiparavogüe ko!

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.