ÉXODO 22:27 - Biblia Guarani Tumpa Iñee

²⁷ echa jaeño ko jókuae jemimonde oyeasoi vaerä pɨpe, echa mbaetɨ ko mbae re oke vaerä, ipɨatɨtɨ reve oyerure cheve yave, che aenduta chupe jókuae iyerure, echa che cheporoparareko yae ko.

ÉXODO 22:27 ပူးပေါင်းရင်းမြစ်များ

2 SAMUEL 16:5

Jare mburuvicha guasu David ojo oväe tëta Bahurim pe yave, oë joko güi oövaiti metei kuimbae Saúl jëtara vae jei reve ñee jasɨ katu vae ikotɨ; jókuae kuimbae jee Simei, Gera taɨ

1 REYES 2:8

Jare emae vi oime oï nde ndive Simei, Gera taɨ, jae ko Benjamín iñemuña reta pegua Bahurim pegua. Kuae reta oyepopeyu chekotɨ, jókuae ara aja aiko yave Mahanaim kotɨ. Ërei jae etei oë cherövaiti ɨ̈aka Jordán pe, jare che joko pe jae Tumpa jee re mbaetɨ vaerä ayuka.

1 REYES 2:9

Ërei añave agüɨye neɨ̈ro chupe. Ndearakuaa katu ko, nde reikuaata mbae reyapo vaerä chupe. Ërei eeka kërai omanoasɨ katu vaerä.”

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

SALMOS 34:6

Che, paravete vae asapúkai jare yandeYa oendu cheve, jare chereepɨ opaete chepɨatɨtɨ güi.

SALMOS 72:12

Echa jae oepɨta oata mbae re vae oyerure chupe vae, jare omborɨ ipɨatɨtɨ vae, mbaetɨ kia omborɨ vaerä vae.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

ÉXODO 22:23

echa peiporarauka chupe reta yave, jare ipɨatɨtɨ reve oyerure reta cheve yave, che aenduta chupe reta jókuae iyerure,

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ECLESIASTÉS 10:20

Ndepɨa pe ave agüɨye mbae ere mburuvicha guasu kotɨ. Agüɨye mbae ere oikokatu vae kotɨ, nde aeño reï ndero pe yave ave, echa güɨra reta ipuere ko yogüɨraja omombeu chupe.

ISAÍAS 19:20

Jókuae oïta ikañɨmaa vaerä jare oporomomaendúa vaerä yandeYa Imbaepuere yae ete vae re, ɨvɨ Egipto pe. Osapúkai reta yandeYa pe oiporarauka chupe reta vae jeko pegua yave, jae ombouta metei mburuvicha oporoepɨ vae chupe reta, oepɨ vaerä jare oyora vaerä.

DEUTERONOMIO 24:10

Kia nunga vae oiporuka japicha pe mbae yave, agüɨye toike jo pe oekɨ vaerä chugüi mbae ipía re.