ÉXODO 22:25 - Biblia Guarani Tumpa Iñee

²⁵ Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

ÉXODO 22:25 ပူးပေါင်းရင်းမြစ်များ

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

2 REYES 4:7

Javoi ou imiari Tumpa iñeemombeúa pe; jae jei jókuae kuña pe: —Añave, ekua emee asaite jare emboepɨ ndepía. Jembɨregüe re ndepuere reiko nemembɨ reta ndive.

NEHEMÍAS 5:7

Jare ayemongeta kavi chepɨa pe kuaekuae re yave, amboeta imboetea vae reta pe jare mburuvicha reta pe, jae chupe reta: “¡Körai yepe pe reta peyapo perëtara reta!” Jare amboatɨuka opaete vae, oñemae vaerä kuaekuae re,

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

JEREMÍAS 15:10

¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

EZEQUIEL 18:13

oiporuka ikorepoti yave oasa ete okovara jese. ¡Jókuae kuimbae ngaraa oikove! Oyapo yave opaete jókuae che aröɨro vae reta, omanota ko, jaeiño ko jeko iyeupe imano re.

EZEQUIEL 18:17

oiporuka ikorepoti yave mbaetɨ oasa ete okovara jese; mbaetɨ ikavimbae oyapo ïru vae pe; cheporookuai jei rami oiko; oyapo opaete cheporookuai reta. ¡Jókuae kuimbae ngaraa omano tu iyoa jeko pegua! ¡Oikoveta ko!

EZEQUIEL 18:7

mbaetɨ vi oyuvanga kia re, mbia re oeya mbae vae pe, omee ye chupe; mbaetɨ oñomi mbae kia güi; yɨmbɨaɨ vae omongaru jare nandi vae omboemimonde;

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

AMÓS 2:8

Temimonde oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe; jare itumpa reta jo pe jou reta vino, ombaemboepɨ jupimbae reve vae reta omeegüe.

San Mateo 25:27

Jáeramo rerajata tëi ko chekorepoti reñono banco pe. Jayave ko ayu ye yave remeeta tëi cheve chekorepoti jare omonganagüe.’

San Lucas 19:23

¿Maera pa rerajaä reñono chekorepoti banco pe? Jayave ko ayu ye yave amboresiveta tëi ko ingana reve.’

DEUTERONOMIO 15:7

Oime yave paravete vae pepɨte pe yandeYa Tumpa omee ɨvɨ pevea pe, agüɨye pepɨa täta pemborɨ vaerä perëtara paravete vae;

DEUTERONOMIO 24:13

pemee ye chupe kuaraɨ oike yave, ipuere vaerä oyeasoi oke, jökorai jae iñee kavita pekotɨ, echa ikavi vae ko peyapo yandeYa Tumpa jóvai.