ÉXODO 22:21 - Biblia Guarani Tumpa Iñee

²¹ Agüɨye pembotavɨ jare peiporarauka ketɨgua reta pe, echa pe reta ketɨgua ko peikose ɨvɨ Egipto pe.

ÉXODO 22:21 ပူးပေါင်းရင်းမြစ်များ

JOB 6:27

¡Pepoki pemee vaerä tɨ̈reɨ, jare pemee vaerä pevɨa-ïru!

SALMOS 146:9

YandeYa oyangareko ketɨgua reta re, tɨ̈reɨ re jare imemano vae re, ërei jupimbae reta ombojopa.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 19:33

Agüɨye peiporarauka ketɨgua yogüɨreko pepɨte pe vae pe.

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

LEVÍTICO 25:35

Kia nunga vae perëtara iparavete opɨta yave, jare ou pekotɨ pemborɨ vaerä, pemborɨ ketɨgua rami, jare toiko pe ndive pero pe.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

DEUTERONOMIO 1:16

Ayókuai vi peruvicha oporojäa vae reta, oporojäa vaerä peré, perëtara reta re jare ketɨgua reta re.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 10:19

Peaɨu ketɨgua; echa pe reta peikose ketɨgua ɨvɨ Egipto pe.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 23:16

Toiko pepɨte pe tëta ipöra chupea pe, jae oiparavoa pe, agüɨye kia tomoambeko.

DEUTERONOMIO 23:7

Ërei ngatu agüɨye peröɨro Edom iñemuña reta; echa perëtara reta ko; jare Egiptoɨgua reta, echa peikose iɨvɨ pe;

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’