ÉXODO 22:20 - Biblia Guarani Tumpa Iñee

²⁰ Mɨmba oyuka omee ïru tumpa reta pei yandeYa güi vae, tomano.

ÉXODO 22:20 ပူးပေါင်းရင်းမြစ်များ

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

2 REYES 10:25

Opa ma omee reta mɨmba oyeyukagüe opaetei oyeapɨ vae, Jehú jei jókuae ikatu pe ñogüɨnoi vae reta pe jare mburuvicha reta pe: —¡Peike jare opa peyuka! ¡Agüɨye totekuarai metei ave! Jare oyuka reta kɨsepuku pe jare oipɨso oeya reta öke rupi. Jaɨkue rupi oike reta o mbaemboetea pe, Baal itupao pe,

2 CRÓNICAS 15:13

Jare kia nunga vae mbaetɨ oeka yandeYa Israel iTumpa vae yave omano vaerä, okuakuaa vae ani michia, kuimbae ani kuña.

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ÉXODO 34:15

Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

EZEQUIEL 20:7

Jayave jae chupe reta oeya reta vaerä opaete itumpa-raanga reta, agüɨye vaerä oyemongɨa Egiptoɨgua reta itumpa-raanga pe. Echa che ko jae peYa Tumpa.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

LEVÍTICO 19:33

Agüɨye peiporarauka ketɨgua yogüɨreko pepɨte pe vae pe.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

NÚMEROS 21:3

Jare yandeYa oendu Israel iñemuña reta iyerure, jare omee jae reta ipo pe cananeo reta, jare opaetei omboai reta, jaeramiño vi jëta guasu reta; jáeramo ombojee reta jókuae ɨvɨ Horma.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 18:20

Ërei metei ñeemombeúa oyembotuicha reve imiari yave cheree re, che mbaetɨ ayókuai reve imiari yave, ani imiari yave tumpa ambuae vae reta jee re, jókuae nunga ñeemombeúa tomano.’

DEUTERONOMIO 23:8

taɨ jɨmɨmino reta ipuere ma oike oyea yandeYa imbae vae reta ndive.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.