ÉXODO 21:14 - Biblia Guarani Tumpa Iñee

¹⁴ Ërei kia nunga vae iyarasɨ japicha kotɨ jare oyuka yave jekombae reve, mɨmba oyeyuka oyeapɨ jese vae chembae re oñepɨ̈ro tëi reve penoe joko güi, omano vaerä.

ÉXODO 21:14 ပူးပေါင်းရင်းမြစ်များ

2 SAMUEL 3:27

Jare Abner ou oväe Hebrón pe yave, Joab güɨraja tëta jöke güi ïkotɨa imiari vɨari vaerä jae ndive; jare joko pe oikutu jɨe pe oyuka, oyepɨ vaerä jese tɨvɨ Asael imano re.

2 REYES 11:15

Ërei sacerdote tenondegua Joiada oyókuai cien sundaro vae juvicha reta, sundaro iyangarekoa reta, jei chupe reta: —¡Penoe jókuae kuña pepɨte güi, jare oñemoïru jae ndive vae reta, opa peyuka kɨsepuku pe! Sacerdote oyókuai agüɨye vaerä oyuka reta yandeYa jo pe jeko pegua,

SALMOS 19:13

Che nderembiokuai, cheövatu vi pɨapochɨ güi, agüɨye togüɨnoi mbaepuere cheré; jayave opaeteita chekɨambae reve aiko, jare aiko teeta chekɨambae pɨapochɨ güi.

ÉXODO 21:15

Tu jare ichɨ re okua ani ombopere vae, tomano.

PROVERBIOS 28:17

Kuimbae oyuka japicha vae, omanota ko, ¡ngaraa kia oepɨ!

NÚMEROS 35:16

Tembiporu jiero pegua oiporu jese yave, jare omano yave, oporoyuka vae ko; oporoyuka vae tomano.

DEUTERONOMIO 1:43

Amombeu tëi peve, ërei ngatu pe reta mbaetɨ chererovia, yandeYa iporookuai peendumbaeño opa peyeupi ɨvɨtɨ re peyomborɨ katu yae reve.

DEUTERONOMIO 18:22

Jókuae ñeemombeúa imiari yave Tumpa jee re, jare mbaetɨ yave oyembopo jeigüe, jókuae ñee jeigüe Tumpa iñeeä ko, oyembotuicha güiño ko imiari jókuae ñeemombeúa; agüɨye pekɨɨye chugüi.

DEUTERONOMIO 27:24

‘Tijeko jókuae japicha ombotavɨ oyuka vae.’ Jare opaete vae tei: ‘Amén.’

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;