ÉXODO 20:24 - Biblia Guarani Tumpa Iñee

²⁴ Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 20:24 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

2 SAMUEL 6:12

Omoërakua reta David pe, kërai yandeYa iporerekua Obed-edom re jare opaete imbaembae re, Tumpa ikäjou jeko pegua. Jayave David ojo güɨroyakavo oyerovia reve jókuae Tumpa ikäjou Obed-edom jo güi, jare güɨraja jae Jëta guasu pe.

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

1 REYES 8:43

eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

1 REYES 9:3

Jare yandeYa jei chupe: “Che aendu ndeyerure jare neporomoñera reyapo cheróvai vae. Che añono tee kuae o nde remopüa vae, añono vaerä cheree pɨpe jekuae avei pegua; jare opaete ara rupi ayangarekota jese.

2 REYES 5:17

Jayave Naamán jei: —Jökorai ko yave, emaeño taraja cheyeupe ɨvɨ mókoi voɨta mókoi mburika guasu re kuae Israel güi. Echa kuae güire che ngaraa ye ma mɨmba oyeyukagüe opaetei oyeapɨ vae ani mɨmba oyeyukagüe amee ïru tumpa reta pe, jaeño yandeYa pe.

2 CRÓNICAS 12:13

Roboam oñemopɨ̈rata mburuvicha guasurä Jerusalén pe; cuarenta y un año ma güɨnoi yave omboɨpɨ oiko mburuvicha guasurä, jare diecisiete año oiko mburuvicharä Jerusalén pe, tëta guasu yandeYa oiparavo opaete ñemuña reta güi vae pe, jae jee oiko vaerä joko pe. Roboam ichɨ jee Naama jae ko Amón iñemuña.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

2 CRÓNICAS 7:16

echa añave aiparavo jare añono tee kuae tupao guasu, pɨpe oiko vaerä cheree jekuae avei rupi. Amae aveita jare jeseita chepɨa.

ESDRAS 6:12

Jare Tumpa oiparavo oñono vaerä jee joko pe vae, tomboai opaete mburuvicha guasu reta ani tëtaguasu reta oipota oipoepɨ ani omboai Tumpa jo Jerusalén pegua vae. Che Darío amee kuae mborookuai, jare toyeapo jarembae voi.”

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

SALMOS 101:2

taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe;

SALMOS 122:2

Jerusalén, ¡ko, royu ma roväe neröke japɨpe pe!

SALMOS 128:5

¡Sión güi yandeYa tiporerekua nderé! ¡Eecha Jerusalén oï kavi vae, opaete ara reikove reiko ramboeve!

SALMOS 134:3

¡Sión güi yandeYa tiporerekua nderé, ara jare ɨvɨ iyapoa!

SALMOS 74:7

Oyatapɨ reta ndero mbaemboetea re; ¡omboeteä reta ndero nderee oï pɨpe vae, opa omboai reta oeya ɨvɨ rupi!

SALMOS 76:2

Jerusalén pe oï itupao guakapi pegua, ɨvɨtɨ Sión re oï jae oikoa.

SALMOS 78:68

Jaeño oiparavo ñemuña Judá, ɨvɨtɨ Sión, jae oaɨu vae.

ÉXODO 10:25

Jare Moisés jei chupe: —Nde remeeta vi ko oreve mɨmba oyeyuka vaerä jare mɨmba oyeyukagüe opaetei oyeapɨ vaerä vae, orepuere vaerä royuka romee oreYa Tumpa pe.

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 20:25

Peyapo yave cheve mɨmba oyeyuka oyeapɨ jese vae ita pegua, agüɨye jókuae ita peñopa, echa peñopa tembiporu pe yave, mbaetɨ ma ko ikavi.

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ÉXODO 27:1

Toyapo reta vi mɨmba oyeyuka oyeapɨ jese vae ɨvɨra käti pegua, ipɨgüe togüɨnoi mókoi metro veinticinco centímetro päve irundɨ reve iyɨke, jare ɨvategüe togüɨnoi metei metro veinticinco centímetro.

ISAÍAS 64:5

Nde remboresive jókuae ipɨakatu reve kavi oyapo mbaejupi vae, jare imaendúa nde ndepɨa jemimbota oyapo vaerä vae reta. Nde ndearasɨ oreve, echa oreyoa; ɨma yae rupi ma roiko mbaeyoa rupi, ¿roasayepe vɨteriñota ra?

LEVÍTICO 17:9

Ërei mbaetɨ yave güeru tupao guakapi pegua jöke pe omee vaerä cheve, jókuae kuimbae toyemombo ete kavi jëtara reta ipɨte güi.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:21

Mombɨrɨ oï pegüi yave yandeYa Tumpa oiparavo ɨvɨ jee oï vaerä pɨpe vae, pepuere peyuka peguaka jare pevecha yandeYa omee peve vae, jare pekaru perëta pe pekɨ̈reɨ peu rami, che poyókuai rami.

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.