ÉXODO 20:17 - Biblia Guarani Tumpa Iñee

¹⁷ Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ÉXODO 20:17 ပူးပေါင်းရင်းမြစ်များ

GÉNESIS 14:23

mbaetɨta aipɨɨ mbae michi vae ave ndembaembae nderovaicho reta güi apɨ̈ro ye vae, inimbo yepe ani pɨapaa iïcha yepe, echa mbaetɨ aipota rere: “Che ko amboikokatu Abram.”

GÉNESIS 3:6

Jare kuña oecha jókuae ɨvɨra iagüe ikavi yae oyeu vaerä, ipöra yae oyekuaa jesa pe, ikavi yae oupitɨ vaerä arakuaa katu; jare oipɨɨ jókuae ɨvɨra iagüe jare jou. Omee vi ime pe, jare jae jou vi jembireko rami.

GÉNESIS 34:23

Opaete imbaembae jare jɨmba reta yandembaerä; jaeño yamombeuta ñanekɨ̈reɨ ko vae jare jae reta yogüɨrekota yande ndive.

JOB 31:1

Ayapo morogüɨrökuavee cheyeupe, agüɨye vaerä amae kuñatai re.

JOB 31:9

Kuña pe añemoamɨriuka yave, ani aipïaro aiko cherapicha jembireko yave,

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 119:36

Chembopɨa-kɨ̈reɨ ndeporookuai reta kotɨ, chemombia mbaepotarai güi.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

PROVERBIOS 6:29

Jökorai ko japicha jembireko re opoko vae; ngaraa opɨta jökoraiño oiporarambae reve jeko re.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 5:8

Kavayu okaru kavi vae oñee jembireko jaɨkue rami, metei ñavo ojo japicha jembireko jaɨkue.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

HABACUC 2:9

¡Paravete, omotɨnɨe jo mbaembae oñomigüe pe vae, ombokavi jo oasayepe vaerä ikavimbae güi!

San Mateo 20:15

Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Hechos 5:4

Ndembae ko jókuae ɨvɨ, jare remee ma yave, jepɨgüe ndembae vi ko. ¿Maera pa reyemongeta reyapo vaerä ikavimbae vae? Mbaetɨ ko ndeapu kuimbae reta peño. Ndeapu ko Tumpa pe etei.

Romanos 13:9

Echa mborookuai jei körai: “Agüɨye peyuvanga menda re. Agüɨye peporoyuka. Agüɨye pemonda. Agüɨye pemiari peapu reve perapicha kotɨ. Agüɨye pembaepotarai.” Jare oime vi ïru mborookuai reta. Ërei opaete kuae mborookuai reta körai oñemometei: “Peaɨu perapicha, pe peyeaɨu rami.”

Romanos 7:7

¿Mbae pa yaeta? ¿Yaeta pa mborookuai jae ko mbaeyoa? ¡Mbaetɨ ko! Ërei che mborookuai rupi aikuaa mbaeyoa. Echa ngaraa tëi aikuaa mbaepotarai, mborookuai mbaetɨ yave mona jei: “Agüɨye pembaepotarai.”

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Efesios 5:3

Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

DEUTERONOMIO 5:21

Agüɨye peipotarai perapicha jembireko, jo ave agüɨye peipota, iɨvɨ jare jembiokuai kuimbae ani jembiokuai kuña, igüeye ani imburika ani oipotagüe mbae perapicha imbae.’

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

1 SAMUEL 15:19

¿Maera pa reenduä yandeYa iñee? Nderovaicho reta imbaembae re reyemombae, reyapo ikavimbae yandeYa jesa róvai.